Aktualitet

Operacioni 'Transferta' në Tiranë/ Mediat italiane: Mashtrimi me call center, në kërkim 9 italianë, zbardhet skema

rokuroria e Tiranës ka lëshuar 15 urdhër-arreste për drejtuesit e call center-ave të ndryshme me qendër në kryeqytetin shqiptar, 9 prej të cilëve italianë, të dyshuar për tregti të rreme online dhe evazion fiskal.

12 Dhjetor 2022, 18:02 Nga a.l
Operacioni 'Transferta' në Tiranë/ Mediat italiane:
operacioni

ITALI- Mediat italiane kanë reaguar lidhur me operacionin e koduar 'Transferta' që u zhvillua në Tiranë e cila çoi në zbulimin e një skeme mashtrimi përmes call center. Ansa.it shkruan se Prokuroria e Tiranës ka lëshuar 15 urdhër-arreste për drejtuesit e call center-ave të ndryshme me qendër në kryeqytetin shqiptar, 9 prej të cilëve italianë, të dyshuar për tregti të rreme online dhe evazion fiskal.

Sipas një njoftimi për shtyp të publikuar nga policia, italianët dhe një shqiptar, të dhënat personale të të cilit mbulohen nga sekreti i hetimeve, duket se janë larguar nga Shqipëria.

Sipas Ansa.it, nga hetimi i kryer në bashkëpunim me policinë financiare, u zbulua se call center-at funksiononin në bashkëpunim të ngushtë me njëra-tjetrën, duke bindur qytetarët e Bashkimit Europian të investonin në platformat e tyre. Të paktën 5.7 milionë euro, të derdhura në llogaritë e tyre rrjedhëse u tërheqën nga bankat, pa u deklaruar në pasqyrat financiare të kompanisë. Nuk dihet ende numri i qytetarëve të mashtruar.

Operacioni 'Transferta' u bë publike përmes një njoftimi zyrtar nga policia e Tiranës ditën e djeshme, ku bëhej me dije se nga kontrollet e kryera në banesat e shtetasve shqiptarë, ndaj të cilëve Gjykata e Tiranës ka caktuar masa sigurie, shërbimet e Policisë arrestuan personin e identifikuar me iniciale A. L., 30 vjeç, banues në Tiranë./Dosja.al

mashtrime me call center operacioni transferta

Sondazh

Poll

MË SHUMË