Bota

Sulmi i ri i Harry-t ndaj Buckingham: Ata gënjejnë për të mbrojtur vëllain tim

Traileri i sapopublikuar për tre episodet e ardhshme të serialit, tregon Princin Harry duke vënë në shënjestër vëllain e tij Princin William.

12 Dhjetor 2022, 16:26 Nga k.m.

Sulmi i ri i Harry-t ndaj Buckingham: Ata gënjejnë për të

William dhe Harry

BRITANI E MADHE- Është publikuar traileri i ri për episodet e radhës të serialit të Netflix me titull “Harry dhe Meghan” dhe duket se “rebelët” po i hedhin më shumë benzinë zjarrit. Meghan dhe Harry po lëshojnë "bomba" të reja për keqtrajtimin që përjetuan nga familja mbretërore. Traileri i sapopublikuar për tre episodet e ardhshme të serialit, tregon Princin Harry duke vënë në shënjestër vëllain e tij Princin William.

Më konkretisht, Duka i Sussex-it akuzon Pallatin duke thënë se “kanë shpikur gënjeshtra për të mbrojtur vëllanë tim”, ndërsa pretendoi se ai dhe Meghan Markle ishin viktima nga familja mbretërore. Princi 38-vjeçar Harry, i cili braktis çdo gjurmë të vetëpërmbajtjes që ka shfaqur në episodet e para akuzoi se familjarët e tij kanë mashtruar qëllimisht publikun.

"Ata ishin të lumtur të gënjenin për të mbrojtur vëllanë tim, ata kurrë nuk ishin të gatshëm të tregonin të vërtetën për të na mbrojtur ne. Pyes veten se çfarë do të kishte ndodhur me ne nëse nuk do të ishim larguar kur u larguam. Unë nuk u hodha te ujqërit, u ushqeva me ujqërit. Unë thashë 'Duhet të ikim nga këtu',"- tha ai.

Traileri zgjat 90 sekonda dhe fokusohet në vendimin e çiftit për t'u larguar nga familja mbretërore. Tre episodet e para të dokumentarit treguan për marrëdhënien e trazuar të çiftit me median. Tre episodet e ardhshme të "Harry dhe Meghan" do të transmetohen të enjten, më 15 dhjetor në Netflix.

buckingham princ harry