Bota

Policia e Kosovës jep detaje për tre rastet kur njësitet policore u sulmuan me armë zjarri

Në njoftimin e saj thuhet se oficerët e policisë së Kosovës në vetmbrojtje ata janë detyruar të kundërpërgjigjen me armë zjarri, ndërkohë që nuk raportohet për të lënduar.

12 Dhjetor 2022, 11:25 Nga d.a.
Policia e Kosovës jep detaje për tre rastet kur njësitet policore
Policia e Kosoves

KOSOVË- Policia e Kosovës ka dhënë detaje për tri raste të ndara kur persona të dyshuar kanë shtënë me armë zjarri në drejtim të njësiteve policore.

Në njoftimin e saj thuhet se oficerët e policisë së Kosovës në vetmbrojtje ata janë detyruar të kundërpërgjigjen me armë zjarri, ndërkohë që nuk raportohet për të lënduar.

“SULM KUNDËR RENDIT KUSHTETUES TË REPUBLIKËS SË KOSOVËS&TERRORIZËM |Jasenovik, Ujman 10.12.2022. Në lokacionin në fjalë, në tri raste të ndara në intervale të ndryshme kohore, njësitet policore kanë raportuar se persona të dyshuar kanë shtënë me armë zjarri në drejtim të tyre. Të njëjtit në vet mbrojtje janë detyruar të kundërpërgjigjen me armë zjarri. Nuk raportohet për të lënduar.”, thuhet në raport.

policia e kosoves tensione në veri të kosovës

Sondazh

Poll