Aktualitet

Ambasada Amerikane: Vlerësojmë trashëgiminë e Deklaratës së të Drejtave të Njeriut

Në një postim në Twitter, ambasada shkruan se do të riangazhohen për të ndërtuar një botë ku të drejtat e njeriut të të gjithëve të respektohen.

10 Dhjetor 2022, 11:57 Nga d.a.
Ambasada Amerikane: Vlerësojmë trashëgiminë e
Ambasada Amerikane

TIRANË- Ambasada Amerikane në Tiranë ka përkujtuar përvjetorin e Deklaratës Universale të të Drejtave të Njeriut të firmosur më 10 dhjetor të 1948.

Në një postim në Twitter, ambasada shkruan se do të riangazhohen për të ndërtuar një botë ku të drejtat e njeriut të të gjithëve të respektohen.

“Sot, në Ditën e të Drejtave të Njeriut, ne festojmë trashëgiminë e Deklaratës Universale të të Drejtave të Njeriut dhe riangazhohemi për të ndërtuar një botë ku të drejtat e njeriut të të gjithëve respektohen kudo. Që nga miratimi i saj më 10 dhjetor 1948, UDHR ka shërbyer si teksti themelor që ruan të drejtat e njeriut dhe liritë themelore të qenësishme për të gjithë individët, duke frymëzuar miratimin e më shumë se 70 traktateve të të drejtave të njeriut”,-shkruhet në një postim në Twitter.

Sot është 76-vjetori i firmosjes së deklaratës Universale të të Drejtave të Njeriut, e cila u miratua nga Asambleja e Përgjithshme e Kombeve të Bashkuara më 10 dhjetor 1948 në Palais de Chaillot, Paris. Deklarata lindi si përgjigje ndaj tmerreve të Luftës së Dytë Botërore dhe përfaqëson përpjekjen e parë globale për të artikuluar mbrojtjen e atyre të drejtave që shumë njerëz besonin se ishin të drejta themelore që i takojnë të gjitha qenieve njerëzore.

Deklarata përbëhet nga tridhjetë artikuj, të cilët janë përpunuar gjatë viteve në vijinm nga traktate ndërkombëtare, transferta ekonomike, instrumente rajonale të të drejtave të njeriut (ku spikat Konventa Evropiane për të Drejtat e Njeriut), kushtetutat kombëtare, dhe ligje të tjera. Karta Ndërkombëtare e të Drejtave të Njeriut përbëhet nga Deklarata Universale për të Drejtat e Njeriut, Konventa Ndërkombëtare mbi të Drejtat Ekonomike, Sociale dhe Kulturore, dhe Konventa Ndërkombëtare mbi të Drejtat Civile dhe Politike, me dy Protokolle opsionale. Këto dy Konventa, të cilat shtjellojnë më tej të drejtat e njeriut, u miratuan nga Asambleja e Përgjithshme e OKB në vitin 1966. Në vitin 1976, pasi Konventat ishin ratifikuar nga mjaftueshëm shtete anëtare  për të hyrë në fuqi dhe qysh nga ky moment Karta Ndërkombtëare e të Drejtave të Njeriut mori fuqi në ligjin ndërkombëtar.

ambasada amerikane dita e te drejtave te njeriut

Sondazh

Poll

MË SHUMË