Bota

Kanye West humbet diplomën e kolegjit të nderit për shkak të fjalimeve antisemite

Reperi u nderua me doktoraturë nderi në vitin 2015 për arritjet dhe kontributin e tij në art dhe kulturë nga Shkolla e Institutit të Artit të Çikagos.

9 Dhjetor 2022, 19:43 Nga k.m.
Kanye West humbet diplomën e kolegjit të nderit për shkak të
Kayne West

SHBA- Deklaratat e Kanye West për hebrenjtë, Hitlerin dhe nazistët duket se i kanë kushtuar atij jo vetëm marrëveshje biznesi dhe miq, por edhe diplomën e nderit “Honoris Causa” që mori nga Shkolla e Institutit të Artit të Çikagos. Sipas një raporti të TMZ, i cili mori letrën zyrtare nga presidentja Eliza Tenney, reperi u nderua me doktoraturën e nderit në vitin 2015 për arritjet dhe kontributin e tij në art dhe kulturë.

Megjithatë, deklaratat e tij tashmë ia kanë hequr këtë titull, pasi siç thekson Presidenti, veprimet e reperit nuk janë në përputhje me misionin dhe vlerat e SAIC.

“Deklaratat e tij antisemite dhe provokuese, veçanërisht ato të drejtuara ndaj komuniteteve të zezakëve dhe hebrenjve janë të neveritshme dhe të dënueshme,”- thuhet në letër.

Komentet antisemite të Kanye West kanë rezultuar në bllokimin e llogarive të tij në Twitter dhe Instagram, konfirmoi Meta më 9 tetor. Në një intervistë me Piers Morgan, reperi 45-vjeçar fillimisht pohoi se nuk është antisemitik sepse është vetë hebre, “si gjaku i Krishtit”.

Megjithatë, ai më pas filloi të analizojë se si populli hebre kontrollon të gjitha format e mediave dhe argëtimit. Kur prezantuesi Piers Morgan i vuri në dukje se komentet raciste janë ende raciste, pavarësisht nëse ato kanë për qëllim hebrenjtë, zezakët - njerëzit e tij, siç tha ai në mënyrë karakteristike - ose ndonjë grup tjetër njerëzish, reperi qëndroi tek pretendimet e tij: Po. E di që është koment racist. Prandaj e bëra. Unë e luftoj zjarrin me zjarr.

kayne west

Sondazh

Poll

MË SHUMË