Bota

Influenza - Coronavirus - RSV: Alarm për dimër për shkak të "tridemisë"

Autoritetet shëndetësore janë angazhuar në një garë për të vënë nën kontroll virozën. Në rrezik janë fëmijët ashtu edhe të rriturit.

9 Dhjetor 2022, 15:41 Nga k.m.
Influenza - Coronavirus - RSV: Alarm për dimër për shkak të
Foto ilustruese

EUROPË- Autoritetet shëndetësore në Evropë dhe SHBA janë garuar për të kontrolluar, kombinimin e virusit sincicial të frymëmarrjes (RSV), infeksionit Covid-19 dhe gripit sezonal. Siç raportohet në një artikull të gazetës britanike “Guardian”, ditët e fundit janë shtuar rrezikshëm rastet me RSV tek fëmijët, fakt që shqetëson fort komunitetin mjekësor. Virusi sincicial i frymëmarrjes (RSV) mund të shkaktojë pneumoni dhe bronkiolit (inflamacion të rrugëve të frymëmarrjes), i cili prek shumë fëmijë, duke ushtruar presion të madh në spitalet në Evropë dhe SHBA.

Në raportin e saj të fundit, Qendra Evropiane për Kontrollin dhe Parandalimin e Sëmundjeve (ECDC) vuri në dukje se disa vende kanë përjetuar një rritje jashtëzakonisht të hershme të numrit të rasteve të virusit sincicial respirator (RSV), duke rezultuar në shumë pranime në spitalet pediatrike në Francë, Irlandë, Spanja, Suedia dhe SHBA.

Triniteti i koronavirusit, RSV dhe gripit parashikon një lajm të keq për repartet e spitaleve të të rriturve: edhe në një vit normal, rreth 60,000 deri në 120,000 të moshuar shtrohen në spital dhe 6,000 deri në 10,000 prej tyre vdesin nga komplikimet e virusit respirator sincicial (RSV). RSV është një virus i zakonshëm i frymëmarrjes që zakonisht shkakton simptoma të buta të ngjashme me ftohjen e zakonshme, por është shkaku kryesor i pneumonisë dhe bronkiolitit tek foshnjat.

Arsyet pse virusi RSV sillet në këtë mënyrë janë deri më tani të paqarta, megjithatë, teoria mbizotëruese midis shkencëtarëve është se masat kufizuese të zbatuara gjatë pandemisë Covid-19, si bllokimet dhe distancimi social, parandaluan transmetimin e tij.

rsv

Sondazh

Poll

MË SHUMË