Bota

Sulmet e njëpasnjëshme/ Ambasadori gjerman kërkon shtyrjen e zgjedhjeve në veri të Kosovës

Rohde ka shpërndarë postimin e Ambasadorit të Shteteve të Bashkuara të Amerikës, Jeffrey Hovenier, ku ai thotë se s’janë kushtet që zgjedhjet të zhvillohen tani, teksa shton se pajtohet me mendimin e tij.

9 Dhjetor 2022, 10:50 Nga a.l
Sulmet e njëpasnjëshme/ Ambasadori gjerman kërkon shtyrjen e
Ambasadori gjerman

KOSOVË- Tensionet në veri të Kosovës vijojnë. Ditën e sotme u sulmuan dy gazetarë nga persona të maskuar. Ambasadori i Gjermanisë në Kosovë, John Rohde ka thënë se zgjedhjet e jashtëzakonshme në veri duhet të shtyhen. Rohde ka shpërndarë postimin e Ambasadorit të Shteteve të Bashkuara të Amerikës, Jeffrey Hovenier, ku ai thotë se s’janë kushtet që zgjedhjet të zhvillohen tani, teksa shkruan se pajtohet me mendimin e tij. 

“Pajtohem me kolegun tim nga Shtetet e Bashkuara se zgjedhjet duhet të shtyhen. Është e dukshme se me situatën aktuale, nuk është e përshtatshme që ato të mbahen tani”, ka shkruar Rohde.

Mitrovica e Veriut është në tensione pas vendosjes së pjesëtarëve të policisë në këtë zonë. Mbrëmjen e djeshme rreth orës 23:00 në vendbanimin Serbovc në komunën e Zveçanit patrulla e policisë është sulmuar me armë zjarri.

tensionet ne veri te kosoves

Sondazh

Poll

MË SHUMË