Sport

Pesë trajnerë shkarkohen nga detyra, pas eliminimit nga Botërori "Katar 2022"...

Me largimin e Luis Enrique, ata tashmë janë pesë trajnerë që janë larguar nga postet e tyre pas eliminimit në Botëror.

8 Dhjetor 2022, 13:44 Nga DOSJA
Pesë trajnerë shkarkohen nga detyra, pas eliminimit nga Botërori
Paulo Beto (Kore e Jugut), Roberto Martinez (Belgjikë) dhe Luis Enrique (Spanjë) nuk janë më trajnerë

KATAR - Njoftimi u dha të enjten, Luis Enrique nuk është më trajneri i kombëtares spanjole. I eliminuar në fazën e 16-të ndaj Marokut, trajneri asturian u shkarkua nga Federata e tij. Kjo për mungesën e progresit të ‘La Roja’ në katër vjet, i eliminuar tashmë në këtë fazë të garës edhe nga Rusia me penallti në 2018.

Roberto Martinez ka preferuar ta bëjë një gjë të tillë pas eliminimit të Belgjikës në fazën e grupeve. Pas barazimit ndaj Kroacisë (0-0), spanjoli njoftoi se ajo ishte ndeshja e tij e fundit në krye të ‘Djajve të Kuq’. Kontrata e tij skadonte më 31 dhjetor dhe nuk do të rinovohet.

E njëjta situatë edhe për Gerardo Martinon. Ish-trajneri i Meksikës, gjithashtu i eliminuar në grup, "mori përgjegjësinë", duke u siguruar, që kontrata e tij "kishte përfunduar kur gjyqtari fishkëlliu fundin e ndeshjes".

Paulo Bento kishte vendosur para garës. Në krye të Koresë së Jugut, ai dha  dorëheqjen menjëherë pas eliminimit ndaj Brazilit (4-1). Një vendim që ai e kishte marrë që në shtator për të "pushuar para se të shohë se çfarë do të ndodhë më pas". 

Po ashtu edhe Adda Otto, tashmë ish-trajneri i Ganës, i cili gjithashtu kishte planifikuar të largohej nga posti i tij. “Marrëveshja jonë do të kishte përfunduar edhe nëse do të kishim qenë kampionë bote”,- siguroi ai për të justifikuar veten.

B.T (Dosja.al)

Sondazh

Poll

MË SHUMË