Sport

Euro U-19/ Të rinjtë kuqezinj njohin rivalët, Shqipëria, vendi i kualifikueseve...

Pas konsultimeve mes vendeve pjesëmarrëse në Grupin 13 dhe UEFA-s është vendosur që ndeshjet e kualifikueseve të zhvillohen në vendin tonë në datat 15, 18 dhe 21 nëntor 2023

8 Dhjetor 2022, 12:25 Nga DOSJA
Euro U-19/ Të rinjtë kuqezinj njohin rivalët, Shqipëria,

TIRANE - Shqipëria U-19 mësoi këtë të enjte emrat e rivalëve që do të ketë përballë në fazën kualifikuese të Kampionatit Europian 2023-2024 për këtë grupmoshë. Shorti i hedhur ditën e sotme nga UEFA në Nyon të Zvicrës, e vendosi të rinjtë shqiptarë U-19 në Grupin 13, së bashku me Irlandën, Belgjikën dhe Slloveninë.

Pas konsultimeve mes federatave të katër vendeve pjesëmarrëse në Grupin 13 dhe UEFA-s është vendosur që ndeshjet e kualifikueseve të zhvillohen në vendin tonë në datat 15, 18 dhe 21 nëntor 2023, njofton zyra e shtypit në FSHF.

Në bazë të rregullores së UEFA-s, dy skuadrat e renditura në vendin e parë të çdo grupi do të avancojnë në “Elite Round”, së bashku me skuadrën e tretë më të mirë në të gjitha grupet në këto eliminatore. Shorti përcaktoi 13 grupe me nga 4 skuadra, ndërsa faza finale e Europianit të moshës U-19 do të zhvillohet në Irlandën e Veriut në verën e vitit 2024.

B.T (Dosja.al)

Sondazh

Poll

MË SHUMË