Bota

Përmbytje masive në Lisbonë/ Uji 'pushton' rrugët dhe spitalet, Mbrojtja Civile ngre alarmin: Një grua gjendet e vdekur në bodrum (VIDEO)

Shërbimet gjetën trupin e një gruaje 55-vjeçare në një nga bodrumet e përmbytura në qytetin e Alges, në periferi perëndimore të kryeqytetit.

8 Dhjetor 2022, 10:40 Nga a.l
Përmbytje masive në Lisbonë/ Uji 'pushton' rrugët
përmbytje në Lisbonë

PORTUGALI- Përmbytje masive raportohen në Lisbonë. Siç shihet edhe nga pamjet rrugët janë bërë të pakalueshme si pasojë e nivelit të lartë të ujit nga reshjet e dendura të shiut. Mediat vendase bëjnë me dije se dhjetëra rrugë janë bllokuar si dhe disa shtëpi janë përmbytur totalisht. Mbrojtja Civile Portugeze raportoi se arteriet kryesore të qendrës së Lisbonës, si dhe qytetet në pjesën perëndimore të grumbullimit të kryeqytetit, duke përfshirë Alges, Queluz, Barcarena dhe Tercena, u përmbytën plotësisht.

Shërbimet gjetën trupin e një gruaje 55-vjeçare në një nga bodrumet e përmbytura në qytetin e Alges, në periferi perëndimore të kryeqytetit.

Makinat e bllokuara, uji hyn me shpejtësi në spital

Uji ka depërtuar në aeroportin e Lisbonës, si dhe në godinën e spitalit të kryeqytetit. Mbrojtja civile e Portugalisë u bëri thirrje banorëve të aglomeracionit të Lisbonës që të mos largohen nga shtëpitë e tyre për shkak të reshjeve të mëdha. Përmbytje të shumta të mërkurën ndodhën edhe në Faro, që ndodhet në jug të Portugalisë, qyteti kryesor i rajonit të Algarve, një destinacion popullor turistik në Evropë.

Zyra e kryebashkiakut të Lisbonës u kërkoi gjithashtu njerëzve të qëndrojnë brenda dhe kryebashkiaku Carlos Moedas vizitoi disa zona të përmbytura, duke njoftuar se puna vendimtare për ndërtimin e një tuneli kullues prej pesë kilometrash do të fillonte së shpejti./Dosja.al

permbytje ne portugali

Sondazh

Poll

MË SHUMË