Politike

Jo vetëm Tirana/ Ka edhe 15 të tjerë "European Capital of Sport”, por Veliaj nuk i përmend

Në 7 nëntor të këtij viti në sheshin “Skënderbej" tha lajmin e madh se Tirana e drejtuar prej tij më në fund ishte zgjedhur “Qyteti Europian i Sportit” për vitin 2023.

7 Dhjetor 2022, 22:45 Nga k.m.
Jo vetëm Tirana/ Ka edhe 15 të tjerë "European Capital of
Erion Veliaj

TIRANË- Gjysmë të vërtetat janë gënjeshtra. Këtë e di edhe kryebashkiaku i Tiranës, Erion Veliaj. Në 7 nëntor të këtij viti në sheshin “Skënderbej" tha lajmin e madh se Tirana e drejtuar prej tij më në fund ishte zgjedhur “Qyteti Europian i Sportit” për vitin 2023.

“Kam një kënaqësi të jashtëzakonshme, një nder të madh dhe një privilegj të papërshkrueshëm, sepse sapo jemi informuar që Tirana do jetë “Qyteti Europian i Sportit” për vitin 2023”.

Deri këtu nuk ka asnjë problem, veçse ne nuk jemi të vetmit që e kemi këtë titull. E vërteta është se “Qytet Europian i Sportit” janë gjithsej 16 të tillë dhe jo vetëm Tirana siç përpiqet ta paraqesë Veliaj. Ashtu siç festonte Veliaj, festoi edhe kryebashkiaku Xavier Fonollosa, i cili për mediat vendase tha se Martorell u emërua si 'Qyteti Evropian i Sportit 2023' korrikun e kaluar nga Shoqata e Kryeqyteteve dhe Qyteteve Evropiane të Sportit (ACES Europe).

Ndërsa shtoi se të zgjedhurit për të njëjtin titull ishin 16 qytete. Martorell ndan njohjen me Busto Arsizio (Itali), Eibar (Spanjë), Catanzaro (Itali), Poprad (Sllovaki), Fondi (Itali) dhe Montana (Bullgari) , Padova (Itali), Velika Gorica (Kroaci), Rende (Itali),  Tres Cantos (Spanjë), Schio (Itali), Sakarya (Turqi), Viana do Castelo (Portugali), Spinea (Itali), Tiranë (Shqipëri), Glasgoë (Skoci), Lugina e Aosta (Itali) dhe Regjun Lëant (Maltë). 

Këto qytete Veliaj nuk i përmend asjëherë, por nuk ka nevojë pasi Dosja.al ka mbledhur të gjitha replikën e fotos së kryebashkiakut të Tiranës. 

erion veliaj european capital of sport

Sondazh

Poll

MË SHUMË