Politike

Sulmi ndaj Berishës, Der Spiegel: Kreu i Opozitës u dhunua në tubim

Në artikullin e 'Der Spiegel', shkruhet se kreu i opozitës u sulmua fizikisht në momentin që po shkonte në tubimin që vet organizoi ditën e sotme. 

6 Dhjetor 2022, 21:45 Nga I.A
Sulmi ndaj Berishës, Der Spiegel: Kreu i Opozitës u dhunua në
Sali Berisha

TIRANË- Media gjermane 'Der Spiegel' ka pasqyruar sulmin e sotëm ndaj kreut të Partisë Demokratike Sali Berisha. Në artikullin e 'Der Spiegel', shkruhet se kreu i opozitës u sulmua fizikisht në momentin që po shkonte në tubimin që vet organizoi ditën e sotme. 

"Kreu i opozitës shqiptare Sali Berisha është sulmuar fizikisht teksa po shkonte për në një tubim që ai organizoi. Sipas mediave shqiptare, një burrë e goditi në fytyrë dhe e plagosi lehtë. Berisha kishte mbledhur përkrahësit e tij në margjinat e samitit BE-Ballkani Perëndimor në Tiranë për të protestuar kundër qeverisë së kryeministrit socialist Edi Rama. Sulmuesi u mposht nga truprojat dhe iu dorëzua policisë, tha ajo. Në një konferencë shtypi më pas, Berisha pretendoi se ishte një informator i policisë kriminale. Kjo nuk mund të verifikohet në mënyrë të pavarur," shkruan Der Spiegel.

Çfarë ndodhi sot?

Gerti Shehu, 31-vjeç sulmoi mesditën e sotme kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë. 31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së. 31-vjeçari u shoqërua nga policia dhe aktualisht po merr mjekim në spitalin e Traumës, pasi ka dëmtime në fytyrë dhe fraktura në hundë. Oficerët kanë tentuar dy herë për të marrë në pyetje të riun, por për shkak të gjendjes së tij shëndetësore, ai nuk ka dhënë deri tani asnjë dëshmi. Dyshohet se 31-vjeçari vuan nga probleme të shëndetit mendor.

der spiegel dhunohet berisha ne proteste

Sondazh

Poll

MË SHUMË