Politike

Protesta në 6 dhjetor, Berisha: Kudo ku ka takime liderash ka protesta, s'ka asgjë të keqe

Kreu i PD-së deklaroi se kudo ku ndodhin takime liderësh, ka protesta.

2 Dhjetor 2022, 12:06 Nga A.B
Protesta në 6 dhjetor, Berisha: Kudo ku ka takime liderash ka protesta,
Sali Berisha

TIRANË- Kryedemokrati Sali Berisha nuk e quan të keqe organizimin e protestës ditën e samitit që do bëhet në Tiranë. Në një konferencë për mediat, kreu i PD-së shtoi se kudo ku ndodhin takime liderësh, ndodhin protesta.

'Çdo qytetar pavarësisht nga bindjet e tij, duhet ta dijë se protesta është shprehje e lirisë. Njerëzit e nënshtruar ulin kokën dhe heshtin, qytetarët kanë të dretë të dëgjohen. Protesta është një nga mënyrat më të fuqishme që ata të dëgjohen. Protesta është zëri juaj, asnjë interes tjetër nuk mund t'ju heqë të drejtën. Cila është e keqja e protestës? Asgjë e keqe, vetëm të mira, presion, kërkim llogarie, demostrim se guxojmë për njerëz të lirë. Të këqijat ndodhin kur nuk ka reagim.

Më 6 dhjetor zhvillohet samiti me vendet e BE, protestat në samite përvec se në vendet diktatoriale janë normale, janë ligj ne vendet e lira. Kudo ku ka takime liderësh ka protesta, qytetarët jo rrallë kanë kaluar në këto protesta në mosbindje civile, ka ndodhur në Athinë, Gjenova, Siatlle, e në shumë vende. Pak javë më parë amerikanët protestuan, në Bruksel kur po mbahej samiti i BE me Afrikën. Askush nuk i kritikoi,nuk i akuzoi si armiq, si agjentë të Kremlin, siç bën Rama. Me vezë me miell me bojë, kur kishte protesta, u përdorën. 

Shqiptarët janë kundër krimit dhe korrupsionit të qeverisë së tyre. Protesta do tregojë se ne nuk dorëzohemi.'- tha Berisha.

sali berisha sali berisha 2 dhjetor 2022 berisha 2 dhjetor 2022

Sondazh

Poll

MË SHUMË