Sport

Lewandowski: "Ishte një humbje e ëmbël, duhet të luajmë më mirë se sa sot"...

“Nuk ishte një ndeshje e madhe, por shpejt do ta harrojmë, të dielën kundër Francës do të luajmë më mirë”, - tha sulmuesi i Barçës pas kualifikimit me Poloninë që humbi.

1 Dhjetor 2022, 08:05 Nga DOSJA

Lewandowski: "Ishte një humbje e ëmbël, duhet të

KATAR - Robert Lewandowski është një djalë i lumtur edhe pse ka hmbur ndaj Argjentinës, sepse Polonia do të luajë në 1/8 e Botërorit të Katarit, ndonëse rivalja është Franca.

“Ishte një humbje e ëmbël”,- ka rrëfyer duke buzëqeshur sulmuesi i Barcelonës, i cili tha se ishin të vetëdijshëm se “ne po luanim kundër Argjentinës dhe se do të ishte një lojë e vështirë për ne. Na duhej të luftonim fort që nga minuta e parë dhe do të konkurronim kundër tyre. Ne humbëm."

Pas durimit të pjesës së parë, goli i Mac Allisterit i shpërbëri polaket. “Goli i parë ishte shumë i shpejtë pas pushimit dhe më pas ata filluan të luajnë shumë lehtë, ata kanë lojtarë shumë të zgjuar dhe ne e dimë se ishte një sfidë”,- tha Lewy, duke këmbëngulur se “në fund ne mund të jemi të lumtur, sepse do të të jetë në raundin tjetër”.

Për sa i përket lojës, Lewandowski nuk mund të kishte ndonjë justifikim, sepse Polonia iu përkushtua vetëm ndjekjes së topit. “Kam qenë mbrojtësi i parë sot. Nëse luan me kombëtaren e Polonisë, e di që nuk do të kesh aq shumë shanse për të shënuar”,- ka sqaruar lojtari i Barçës, i vetëdijshëm se “Për mua është sfidë të punosh në mbrojtje. Mund të jemi të lumtur. Pavarësisht se Argjentina e humbi ndeshjen e parë, ata kanë luajtur gjithnjë e më mirë. Ata vazhdojnë të jenë favorit për të fituar Kupën e Botës".

Tani, është koha të mendojnë për Francën, rivalin e tyre në raundin e 16-të dhe “një sfidë e madhe për ta. “Ne i njohim lojtarët që ata kanë. Duhet të kënaqemi, të përpiqemi të bëjmë më të mirën dhe të luftojmë. Ne e dimë që si skuadër ata fituan Botërorin e kaluar dhe se bëjnë të njëjtën gjë me këtë”,- theksoi Lewandowski, i cili theksoi se për të kaluar “duhet të luajmë më mirë se sot”.

B.T (Dosja.al)

Sondazh

Poll

MË SHUMË