Aktualitet

Publikohet FOTOJA/ Ky është Vladimir Kola, i shpallur në kërkim për vrasjen e Briken Sanajt

Kola dyshohet se fshihet në Mal të Zi ose Kosovë.

30 Nëntor 2022, 19:28 Nga F.M
Publikohet FOTOJA/ Ky është Vladimir Kola, i shpallur në
Briken Sanaj dhe Vladimir Kola

TIRANË- Personi që po shikoni në foto është Vladimir (Valmir) Kola, 39 vjeç, lindur në Pukë dhe banues në Shëngjin, Lezhë, i shpallur në kërkim për vrasjen e Briken Sanajt, ngjarje e ndodhur më 30 tetor të këtij viti. Kola është shpallur në kërkim si ekzekutor në ngjarje, ndërsa bashkëpunëtor ka pasur dy persona nga Kosova.

Ata janë Gjelosh Krasniqi lindur dhe banues në Pejë, i akuzuar për veprën penale “Përkrahja e autorit të krimit” dhe Kened Antoni 25 vjeç, lindur dhe banues në Pejë, i dyshuar për veprën penale “Moskallëzimi i krimit”.

Publikohet FOTOJA/ Ky është Vladimir Kola, i shpallur në
Vladimir Kola

Sipas njoftimit të policisë, Antoni i ka shitur automjetin Krasniqit më datë 24.10.2022, dhe po në këtë datë, të dy e kanë future makinën në territorin e Shqipërisë dhe ia kanë vënë atë në dispozicion Kolës, i cili e ka përdorur për realizimin e vrasjes së Sanajt. Pas ngjarjes, autori i dyshuar e ka djegur automjetin, në rrugën dytësore Tiranë - Durrës, së bashku me armën e krimit. Në cilësinë e provave materiale janë gjetur dhe sekuestruar 4 automjete të përdorura nga autori i dyshuar, para dhe pas ngjarjes, 10 aparate celulare, si dhe pamje filmike që i shërbejnë hetimit.

Si ndodhi krimi?

Briken (Skerdilajd) Sanaj u qëllua më 30 tetor. Fillimisht është raportuar se 39-vjeçarit i është marrë jeta si hakmarrje për plagosjen e kryer 10 vite më parë nga vëllai i tij, Antonio alias Renato Sanaj, e gjitha pas një sherri të nisur për një vajzë. Në atë kohë, Renato qëlloi dhe plagosi Gentian Kolën. Dy familjet në Lezhë u futën në gjak dhe tentativat për pajtim ishin të pasuksesshme. Për të shmangur atë që ndodhi, vëllezërit Sanaj kishin ikur nga Shqipëria dhe kishin nisur një jetë tjetër në Itali, por duket se nuk i kanë ikur dot hasmit. 

vladimir koka briken sanaj kened antoni gjelosh krasniqi vritet briken sanaj

Sondazh

Poll

MË SHUMË