Bota

Shtrohet në spital liderja e burgosur e opozitës bjelloruse, aleatët: Maria është në gjendje të rëndë

Ajo u burgos për 11 vjet në vitin 2021, pas protestave masive për rizgjedhjen e diskredituar të liderit të Bjellorusisë Alexander Lukashenko një vit më parë. Ajo tha se akuzat ishin të sajuara.

29 Nëntor 2022, 23:07 Nga I.A
Shtrohet në spital liderja e burgosur e opozitës bjelloruse,
Maria Kolesnikova

BJELLORUSI- Liderja e burgosur e opozitës bjelloruse Maria Kolesnikova është marrë nga burgu dhe është vendosur në kujdes intensiv në spital, thonë aleatët e saj. Ata thonë se Kolesnikova, është në një gjendje të rëndë, por të qëndrueshme në qytetin lindor të Gomelit, pas një operacioni të hënën.

Ajo u burgos për 11 vjet në vitin 2021, pas protestave masive për rizgjedhjen e diskredituar të liderit të Bjellorusisë Alexander Lukashenko një vit më parë. Ajo tha se akuzat ishin të sajuara.

"Nuk pendohem për asgjë," tha ajo.

Llogaria e zonjës Kolesnikova në Twitter, e drejtuar nga aleatët e saj, shkruante se: Maria u transferua në spital...dhe u operua më 28 nëntor. Tani ajo është në një gjendje stabile, të rëndë me përmirësim. Nesër (30 nëntor) ajo do të transferohet në departamentin e kirurgjisë.

Grupet opozitare të Bjellorusisë dhe politikani i opozitës i burgosur Viktor Babariko bënë komente të ngjashme. Avokati i saj më parë nuk u lejua ta vizitonte atë. Në fillim të këtij muaji doli se Kolesnikova ishte vendosur në izolim. Nuk dihet pse ajo kishte nevojë për operacion. Autoritetet e burgut të Bjellorusisë nuk kanë komentuar.

maria kolesnikova

Sondazh

Poll

MË SHUMË