Aktualitet

Shkatërrohen 9 plantacione marijuane në Spanjë, arrestohen 10 shqiptarë

Në sajë të operacionit janë asgjesuar 44,382 bimë marijuanë. Operacioni anti-drogë u zhvilluar në komunat Secastilla, Boltaña, Aínsa, Benabarre, Tierrantona dhe Fanlo

28 Nëntor 2022, 11:28 Nga e.k

 

Shkatërrohen 9 plantacione marijuane në Spanjë, arrestohen 10
Momenti i arrestimit

SPANJË- Një operacion i Gardës Civile ka çuar në prangat e policisë 10 shqiptarë të moshave 19 deri në 49 vjeç, të cilët akuzohen për trafik droge. Ndërkohë 2 të tjerë janë vënë në hetim pasi dyshohet se kishin dijeni për ngjarjen. Në sajë të operacionit janë asgjesuar 44,382 bimë marijuanë. Operacioni anti-drogë u zhvilluar në komunat Secastilla, Boltaña, Aínsa, Benabarre, Tierrantona dhe Fanlo

Operacioni, i cili është kryer në periudhën mars-nëntor të këtij viti, në rajonet Sobrarbe dhe Ribagorza, ka pasur ndërhyrjen e 82 rojeve civile, duke çmontuar 20 kampe të fshehura në zona të pyllëzuara të vështira për t’u arritur. 

“Si rezultat i hetimeve të kryera në fazën e parë të operacionit u arrit të verifikohej ekzistenca e disa plantacioneve të marijuanës në vende të largëta dhe pothuajse të paarritshme në rajonet Sobrarbe dhe Ribagorza, duke respektuar një model, gjitha ato janë identike ‘modus operandi', thueht në njoftimin e Policisë.

Plantacionet, shtuan ata në termat e ‘modus operandi’, mbetën të ndjekura nga 2 ose 3 individë të cilët ishin fshehur në pyll në kampe të kamufluara në mënyrë perfekte, duke iu përkushtuar kultivimit dhe kujdesit të makro plantacioneve përmes sistemeve të gjera dhe komplekse të ujitjes.

“Gjatë gjithë kohës kujdestarët ruanin një nivel maksimal të gatishmërisë, duke pasur gjithmonë disa rrugë shpëtimi, në rast se zbuloheshin ata do të largoheshin nga vendi duke u larguar nga plantacioni, gjë që vështirësonte mbikëqyrjen nga agjentët, të cilët duhej të merrnin masa ekstreme për t’i zbuluar”.

Për sa i përket kampeve, ata tregojnë se në disa prej tyre ishin vendosur sisteme alarmi rudimentare, të cilat njoftonin për praninë e mundshme të një të panjohuri.

“Përgjegjësit e plantacionit do të kalonin deri në 6 muaj banim në këto kampe, duke u furnizuar nga persona të tjerë me materiale pune, ushqime, gaz butan dhe artikuj bazë çdo muaj”, sipas hetimeve shteruese.

Operacioni dha rezultat në muajt e fundit. Konkretisht, nga Komanda shtojnë se “në muajt shtator dhe tetor është kryer faza tjetër e operacionit, duke ndërhyrë në nëntë makroplantacionet e marijuanës, ka qenë punë e vështirë për agjentët e përfshirë, pasi për të hyrë në disa prej plantacionet duhej të ecnin nëpër pyje të dendura për disa kilometra, të gjitha për të mos u pikasur nga kujdestarët e plantacioneve që kishin vendosur pika vëzhgimi”.

U kërkua menjëherë bashkëpunimi i Njësisë Ajrore të Gardës Civile të Zonës së Aragonit, për të fluturuar mbi zona dhe për të përcaktuar vendndodhjen e saktë të tyre, duke përdorur edhe varkat e Gardës Civile për të transportuar të arrestuarit dhe materialet e sekuestruara.

Janë sekuestruar gjithsej 44.382 bimë marijuanë, të cilat pasi të përpunoheshin mund të kishin pasur përfitime të mëdha në tregun ilegal. Janë zbuluar 20 kampe ku banonin të arrestuarit, 9 dhoma tharjeje, 11 rezervuare uji, 2 gjeneratorë, 5 pompa uji, 10 celularë dhe mjete dhe vegla të shumta të dedikuara për kultivimin, kujdesin, tharjen dhe paketimin e drogës.

 

spanje arrestohen 10 shqiptare ne spanje

Sondazh

Poll

MË SHUMË