Sport

KATAR 2022/ Sabiri, Aboukhlal dhe Courtois ‘dënojnë’ Belgjikën, Maroku fluturon në krye të Grupit F

Maroku, përfaqësuesja e Afrikës së Veriut mundi me meritë 2-0 Belgjikën dhe kalon në vendin e parë në grupin F.

27 Nëntor 2022, 16:11 Nga DOSJA

KATAR 2022/ Sabiri, Aboukhlal dhe Courtois ‘dënojnë’

KATAR- Maroku, përfaqësuesja e Afrikës së Veriut mundi me meritë 2-0 Belgjikën dhe kalon në vendin e parë në grupin F. Një ndeshje me pak emocione në pjesën e parë, mjafton të përmendet goli i Ziyech në minutën e 46’ por goli u anulua nga VAR për pozicion jashtë loje nga Saiss. Në pjesën e dytë, Sabiri në minutën e 73’ do të shënonte golin e avantazhit me gabimin e pafalshëm të Courtois.

Belgjika zgjohet, por mbetet në atë gjendje të përgjumur që nuk mjafton për të prodhuar asgjë të mirë. De Bruyne përpiqet të organizojë lojë por pa sukses. Në minutat shtesë kishte kohë për golin e dytë të Marokut  me Aboukhlal. Me këtë fitore ekipi afrikano-verior shkon në vendin e parë në kuotën e katër pikëve. Belgjika në vend të kësaj do të luajë për gjithçka deri në frymën e fundit. Duke shpresuar që ky brez i ardhshëm, i cili ka pushuar së qeni futurist për një kohë, nuk është tashmë një brez i kaluar.

E.Ç (Dosja.al)

maroku kupa e botes belgjika

Sondazh

Poll

MË SHUMË