Bota

Vdes papritur ministri i jashtëm i Bjellorusisë, Vladimir Makei

Makei e mbante postin e tij që nga viti 2012. Ai kishte marrë pjesë në një konferencë të Organizatës së Traktatit të Sigurisë Kolektive (CSTO), një aleancë ushtarake e disa shteteve postsovjetike, në Jerevan në fillim të kësaj jave dhe do të takohej të hënën me homologun rus Sergei Lavrov.

26 Nëntor 2022, 15:44 Nga d.a.
Vdes papritur ministri i jashtëm i Bjellorusisë, Vladimir Makei
Lavrov dhe Makei

BJELLORUSI- Ministri i Jashtëm i Bjellorusisë, Vladimir Makei, ka vdekur në moshën 64-vjeçare, njoftoi të shtunën agjencia shtetërore e lajmeve Belta.

“Ministri i Jashtëm Vladimir Makei ka ndërruar jetë papritmas”, raportoi Belta.

Makei e mbante postin e tij që nga viti 2012. Ai kishte marrë pjesë në një konferencë të Organizatës së Traktatit të Sigurisë Kolektive (CSTO), një aleancë ushtarake e disa shteteve postsovjetike, në Jerevan në fillim të kësaj jave dhe do të takohej të hënën me homologun rus Sergei Lavrov.

Para zgjedhjeve presidenciale dhe protestave masive antiqeveritare në Bjellorusi në vitin 2020, Makei kishte qenë një nga nismëtarët e përpjekjeve për të përmirësuar marrëdhëniet e Bjellorusisë me Perëndimin dhe kishte kritikuar Rusinë.

Jemi të tronditur nga raportet për vdekjen e kreut të Ministrisë së Punëve të Jashtme të Republikës së Bjellorusisë, Vladimir Makei. Ngushëllimet zyrtare do të publikohen së shpejti”, postoi zëdhënësja e Ministrisë së Jashtme ruse Maria Zakharova në kanalin e saj Telegram.

Megjithatë, ai ndryshoi papritmas qëndrimin e tij pas fillimit të protestave, duke pretenduar se ato ishin frymëzuar nga agjentë të Perëndimit.

vdes vladimir makei

Sondazh

Poll