Bota

"Pas çdo takimi të nivelit të lartë, publiku është informuar", Kurti i përgjigjet kritikave për mostransparencë të procesit të dialogut

Në fjalën e tij Kurti hodhi poshtë akuzat për transparencë zero dhe tha se procesi për dialogun Kosovë-Serbi asnjëherë nuk ka qenë më transparent në të shkuarën.

17 Nëntor 2022, 11:33 Nga d.a.
"Pas çdo takimi të nivelit të lartë, publiku
Kurti

KOSOVË- Kryeministri i Kosovës Albin Kurti i është përgjigjur kritikave në Kuvend për mostransparencë për procesin e dalogut me Serbinë.

Në fjalën e tij Kurti hodhi poshtë akuzat për transparencë zero dhe tha se procesi për dialogun Kosovë-Serbi asnjëherë nuk ka qenë më transparent në të shkuarën.

tha se asnjëherë më parë s’ka pasë më shumë transparencë, derisa në këtë drejtim përmendi edhe takimet që ka pasë me udhëheqësit e opozitës për t’i informuar për dialogun dhe propozimin franko-gjerman.

“Nuk mendoj që është e drejtë që të thoni se transparenca është zero. Ju pyesni unë përgjigjem. Dialogu Kosovë-Serbi s’ka qenë asnjëherë më transparent që prej rifllimit të tij. Pas çdo takimi të nivelit të lartë, publiku është informuar”.-tha Kurti.

Kurti përmendi dhe takimet që ka patur me udhëheqësit e opozitës për t'i informuar për planin franko-gjerman, por deputetja e PDK-së, Ariana Musliu-Shoshi, i tha se ai duhet ta publikojë për të gjithë.

“Jeni i detyruar që të raportoni para deputetëve dhe jo para kryetarëve të partive, sepse unë s’e kam për obligim të marr informata nga kryetarët, por nga ju sepse ju jeni i ngarkuar për dialogun”, tha Musliu-Shoshi.

Kurti iu përgjigj se mbase do ta diskutojë edhe njëherë me kryetarët e subjekteve politike “që ta kuptoni se asnjëherë s’ka pasë më shumë transparencë se kësaj radhe”.

“Në njërën anë i përmbahem transparencës së procesit, por në anën tjetër edhe konfidencialitet të bisedimeve. Nëse ju e konsideroni të nevojshme që përtej asaj që iu kanë njoftuar liderët e partive tuaj ose që nuk iu kanë njoftuar atëherë mund të organizojmë një seancë edhe të hapur edhe me dyer të mbyllura, por s’mund të thoni që transparenca është zero. Qëndrimi ynë ka qenë i drejtë dhe në këtë kuptim jemi treguar të përkushtuar, kreativë e konstruktivë”.-tha Kurti.

albin kurti mblidhet kuvendi i kosoves ariana musliu shoshi

Sondazh

Poll

MË SHUMË