Aktualitet

Nis restaurimi i Manastirit të Zvërnecit, administratori: Do kthehet në identitet, parashikojmë shtim të turistëve

Sipas administratorit të Manastirit Papa Jani punimet u vendos që të kryheshin në stinën e vjeshtës duke qenë se numri i turistëve është më i ulët. Manastiri do të jetë i aksesueshëm për të gjithë turistët të huaj e shqiptarë në verë ku dhe numri i tyre është më i lartë.

16 Nëntor 2022, 19:46 Nga e.k
Nis restaurimi i Manastirit të Zvërnecit, administratori: Do kthehet
Papa Jani

VLORË- Ka nisur restaurimi i plotë Manastirit të Zvërnecit pas dëmtimeve të shumta të konstatuara në pothuajse gjithë objektin. Punimet për restaurimin e tij do të zgjasin 6 muaj. Sipas administratorit të Manastirit Papa Jani punimet u vendos që të kryheshin në stinën e vjeshtës duke qenë se numri i turistëve është më i ulët. Manastiri do të jetë i aksesueshëm për të gjithë turistët të huaj e shqiptarë në verë ku dhe numri i tyre është më i lartë.

“Pandemia, prishja e urës dhe mosfunksonimi si kamping veror për djemtë gjatë beharit la pasojat e veta dhe ka bërë dëme të mëdha. Më në fund morëm lejë nga Ministria e Kulturës për restaurimin e të gjithë konakëve dhe riparimin e dy mureve rrethues që janë shembur. Faza e parë pothuajse ka mbaruar të kishës, kanë mbetur vetëm disa punime të vogla.”

Papa Jani shtoi se restaurimi i Manastirit dhe kthimi i tij në identitet do të sjellë një hov të ri turistësh nga vendi e bota. Investimi kap vlerën e 8 milionë lekëve dhe është finacuar nga Kisha Ortodokse Autoqefale e Shqipërisë.

manastiri i zvernecit

Sondazh

Poll

MË SHUMË