Aktualitet

Protesta e 12 nëntorit, Ambasada e SHBA në Tiranë: Shmangni tubimet e mëdha

Ambasada ka ofruar edhe kontaktet të cilave mund t’u drejtohen qytetarët amerikanë në rast rreziku.

10 Nëntor 2022, 17:53 Nga k.m.
Protesta e 12 nëntorit, Ambasada e SHBA në Tiranë: Shmangni
Ambasada amerikane në Shqipëri

TIRANË- Ambasada e Shteteve të Bashkuara të Amerikës në Tiranë ka këshilluar qytetarët amerikanë që të shmangin protestën e opozitës më 12 nëntot. Në të njëjtin postim, ambasada ka ofruar edhe kontaktet të cilave mund t’u drejtohen qytetarët amerikanë në rast rreziku.

Ambasada amerikane lajmëron: Një protestë është planifikuar të zhvillohet në Bulevardin Dëshmorët e Kombit, përballë Kryeministrisë. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve. Qytetarët këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.Veprimet për të ndërmarrë: Qytetarëve  u kërkohet të shmangin këtë ngjarje. Monitoroni mediat lokale për përditësime.

Më 12 nëntor ora 16:00 është organizuar të mbahet protesta e opozitës kundër qeverisë aktuale, tubimi i përbashkët mes kreut të Partisë së Lirisë, Ilir Meta dhe ish-kryeministrit Sali Berisha.

ambasada amerikane protesta e opozites 12 nentor 2022

Sondazh

Poll

MË SHUMË