Bota

Greqi, 20- vjeçari dhe e dashura e tij rrihen brutalisht nga 10 persona: E pyeta pse po më shante

Ngjarja ka ndodhur në Ladadika të Selnaikut, teksa i riu drejtonte makinën e tij dhe brenda saj ndodhej edhe e dashura e tij. 

10 Nëntor 2022, 09:21 Nga a.l
Greqi, 20- vjeçari dhe e dashura e tij rrihen brutalisht nga 10 persona:
20- vjeçari i plagosur

GREQI- Një 20- vjeçar dhe e dashura e tij në Greqi kanë përjetuar momente tmerri mëngjesin e së shtunës teksa u dhunan brutalisht nga 10 persona. Ngjarja ka ndodhur në Ladadika të Selanikut, teksa i riu drejtonte makinën e tij dhe brenda saj ndodhej edhe e dashura e tij. Në një moment, një grup prej pesë personash i janë afruar dhe kanë filluar ta shajnë dhe godasin 20-vjeçarin teksa ishte në makinë dhe kur i riu ka zbritur nga automjeti kanë ardhur edhe pesë persona të tjerë.

Pas pak minutash e dashura e frikësuar nga situata e papritur, del nga makina për të ndihmuar 20- vjeçarin por u sulmua në kokë nga grupi. 20- vjeçari i plagosur ka treguar i tronditur ngjarjen. 

“Isha në makinë dhe shkova të merrja të dashurën. Në fillim ishin katër veta përballë meje në mes të rrugës, tre prej tyre u larguan mënjanë por njëri qëndroi dhe filloi të më shante. Kur kuptova se po më drejtohej mua, e pyeta pse po më shante, papritur dikush hyri në makinën time. Hapa derën në përpjekje për t'i larguar ata", tha i riu. 

Policia ndërhyri për të ndarë turmën nga 20- vjeçari dhe e dashura e tij, të cilët ndodhen në spital ku po marrin mjekimet, shkruan newsbomb.gr.  Sulmuesit ishin të veshur me të zeza dhe kishin rruar kokën dhe dukeshin si boksierë./Dosja.al

dhunimi i te riut ne selanik

Sondazh

Poll

MË SHUMË