Bota

Aksidentohet për vdekje 'fytyra' publike e pushtimit rus në Kherson

Stremousov fillimisht shërbeu në rajonin e Khersonit si zyrtar i peshkimit të qeverisë ukrainase. 

10 Nëntor 2022, 08:16 Nga a.l
Aksidentohet për vdekje 'fytyra' publike e pushtimit rus në
Kirill Stremousov

RUSI- Zëvendësgurverantor i Khersonit Kirill Stremousov, fytyra publike e pushtimit rus të rajonit Kherson të Ukrainës, ka vdekur në një aksident automobilistik. 

Kreu i administratës së rajonit në Moskë, Vladimir Saldo, njoftoi vdekjen të mërkurën në aplikacionin e mediave sociale Telegram, duke e quajtur Stremousov, zëvendësguvernatorin e tij në detyrë dhe zëdhënësin e pushtimit, "një nga më të zgjuarit".

Nuk ka detaje të tjera në lidhje me vdekjen e raportuar, shkruan NPR. 

Kush ishte Kirill Stremousov?

Stremousov, ukrainas me origjinë, ishte një propagandist 45-vjeçar pro-rus. Ai këmbënguli se fitorja e Rusisë ishte e pashmangshme, por kjo është bërë më e vështirë për t'u besuar javët e fundit pasi Rusia pësoi më shumë humbje në rajon.  Ai kandidoi pa sukses për kryetar bashkie të Kherson dhe parlamentin ukrainas dhe u bë një kundërshtar i njohur i vaksinave gjatë pandemisë COVID-19.

Stremousov fillimisht shërbeu në rajonin e Khersonit si zyrtar i peshkimit të qeverisë ukrainase. Më vonë, ai u shndërrua në një bloger politik, i cili i bëri presion qeverisë të ndihmonte qytetarët e zakonshëm. Roman Tsviakh, një aktivist tjetër qytetar, i cili tani jeton në Poloni, kujton se Stremousov u përball publikisht me zyrtarë pasi disa qytetarë ranë dhe thyen kockat në një stuhi akulli disa vjet më parë. Të nesërmen, trotuaret u mbuluan me kripë, kujton ai.

Zyrtarët e inteligjencës ukrainase dhe bashkëpunëtorët e kaluar thanë se Stremousov kishte etje për pasuri dhe filloi të përdorte blogun e tij për të zhvatur para nga bizneset lokale në këmbim të mos publikimit të keqbërjeve të tyre. 

Rrëzimi i Kherson

Të mërkurën, Moska njoftoi se po tërhiqte trupat nga qyteti Kherson , por qeveria ukrainase tha se nuk shihte shenja se forcat ruse po largoheshin pa luftë. Kherson është një qendër rajonale e rëndësishme strategjike dhe simbolike që ra relativisht lehtë nga rusët në fillim të luftës./ Dosja.al

kirill stremousov

Sondazh

Poll

MË SHUMË