Aktualitet

'Bombë në SPAK'/ Telefonata anonime 'ngre në këmbë' policinë dhe RENEA-n, rezulton fals

Për momentin, institucioni është rrethuar nga forca të shumta policie. Shërbimet e policisë, të cilët kanë kryer kontrolle dhe deri tani nuk është konstatuar asgjë e dyshimtë.

8 Nëntor 2022, 11:38 Nga F.M
'Bombë në SPAK'/ Telefonata anonime 'ngre në
Policia në SPAK

TIRANË- Një alarm për bombë grumbulloi mëngjesin e sotëm Policinë e Shtetit pranë Gjykatës së Posaçme Kundër Korrupsionit dhe Krimit të Organizuar (GJKKO). Ka qenë një telefonatë që ka dhënë alarmin se është vendosur një bombë pranë GJKKO-së. Institucioni është rrethuar nga forca të shumta policie dhe kontrollet po vijojnë edhe tani me qen-antieksploziv.

Shërbimet e policisë, të cilët kanë kryer kontrolle dhe deri tani nuk është konstatuar asgjë e dyshimtë. Ndërsa personi që ka telefonuar, ka fikur celularin. Policia e Shtetit po punon për identifikimin e tij.

Nga ana tjetër, Gjykata e Posaçme kundër Korrupsionit dhe Krimit të Organizuar kanë dhënë një deklaratë për mediat, aty ku bëjnë të ditur se janë informuar për atë ç'ka po ndodh e se janë në dijeni të lëndës plasëse që dyshohet se ndodhet në ambientet e tyre.

NJOFTIMI NGA POLICIA:

Rreth orës 11:00, në Sallën Operative ka ardhur një telefonatë për një sasi lënde plasëse që dyshohet se është vendosur në një institucion zyrtar, në rrugën “Jordan Misja”. Shërbimet e Policisë kanë kontrolluar godinën dhe zonën përreth dhe nga verifikimet e kryera dhe kontrolli paraprak i kryer, ka rezultuar se është njoftim i rremë. Po punohet për identifikimin e telefonuesit pasi pas kryerjes së telefonatës, ka fikur telefonin.

gjykata e posacme alarm per bombe ne gjkko

Sondazh

Poll

MË SHUMË