Bota

BE e shqetësuar për përshkallëzimin e situatës në veri, Stano: Kosova të formojë Asosacionin

Stano u shpreh se Kosova ka një obligim të qartë për të formuar Asociacioni e komunave me shumicë serbe dhe paralajmëroi se ngjarjet në Kosovë mund të kenë pasoja për të gjithë rajonin.

7 Nëntor 2022, 19:54 Nga d.a.
BE e shqetësuar për përshkallëzimin e situatës në
Stano

BRUKSEL- Zëdhënësi i Bashkimit Evropian, Peter Stano, tha se reagimet e Kosovës dhe Serbisë ndaj propozimit franko-gjerman janë ende duke u parë por ajo që mbetet e rëndësishme është përshkallëzimi i situatës në veri.

Stano u shpreh se Kosova ka një obligim të qartë për të formuar Asociacioni e komunave me shumicë serbe dhe paralajmëroi se ngjarjet në Kosovë mund të kenë pasoja për të gjithë rajonin.

“Është obligim i qartë i Kosovës që menjëherë të krijojë ose të ndërmarrë hapa për themelimin e Asociacionit të komunave me shumicë serbe. Ky është obligim ligjor i detyrueshëm i Kosovës dhe mospërmbushja e vazhdueshme jo vetëm që cenon parimin e sundimit të ligjit, por dëmton edhe reputacionin dhe besueshmërinë e Kosovës”, tha Stano në konferencën për media.

Stano shoti se ditët e fundit është parë një përshkallëzim shumë i rrezikshëm që rrezikon të hedhë poshtë atë që është arritur me shumë vite punë. Gjithashtu bëri thirrje të dyja palëve që të bëjnë përpjekje për të gjetur një zgjidhje evropiane dhe theksoi se tani i takon Beogradit dhe Prishtinës që të përmbushin obligimet e tyre nga Marrëveshja e Brukselit.

"Kjo ka pasoja për të gjithë rajonin. U bëjmë thirrje të dyja palëve që të gjejnë një zgjidhje evropiane" – tha Stano.

Ai shtoi se përmbushja e obligimeve dhe kthimi në dialog është rrugëdalje nga situata aktuale dhe rruga që çon në perspektivën evropiane të Serbisë dhe Kosovës.

Duke iu përgjigjur pyetjes së një gazetari se çfarë nënkuptonte me pasoja për të gjithë rajonin e Ballkanit Perëndimor, ai shpjegoi se çdo destabilitet lokal përhapet në të gjithë rajonin, duke theksuar shembullin e Ukrainës dhe Rusisë.

"Nëse kemi një pikë tjetër të nxehtë në tokën evropiane, askush nuk mund të parandalojë ndezjen e incidenteve që mund të çojnë në dhunë. Nëse diçka ndodh, do të ketë pasoja të pashmangshme për rajonin. Bashkimi Evropian nuk mund ta përballojë këtë, Serbia dhe Kosova nuk mund ta përballojnë këtë, rajoni nuk mund ta përballojë këtë" – theksoi Stano.

peter stano tensionet në veri të kosovës

Sondazh

Poll

MË SHUMË