Sport

“Zlatan më njeh mirë!”, Guardiola ironizon Ibrën: "Ka të drejtë, kam një ego të madhe. Unë i them Haalandit të mos shënojë"…

Tekniku spanjoll është shprehur: “Unë i them Erlingut: Të lutem mos shëno më gola tani, përndryshe ‘The Sun’ dhe ‘Daily Mail’ nuk do të shkruajnë asgjë për mua”

5 Nëntor 2022, 12:47 Nga DOSJA

“Zlatan më njeh mirë!”, Guardiola ironizon Ibrën:

ANGLI - Trajneri spanjoll i Manchester Cityt, Pep Guardiola, i përgjigjet sulmuesit suedez Zlatan Ibrahimovicit. “A do ta përmirësojë Guardiola Haaland? Varet nëse do ta lërë të bëhet më i madh se egoja e tij”, ka thënë suedezi për Canal +. 

E menjëhershme ishte edhe përgjigjja e trajnerit të Manchester Cityt: "Zlatan ka të drejtë, absolutisht të drejtë. Në këtë klub, në këtë ekip, egoja ime është më e madhe se performanca e çdo lojtari. Nuk më pëlqen as kur Erling shënon tre gola dhe të gjitha lëvdatat kryesore janë për të. Unë jam shumë xheloz! Sinqerisht, kaq xheloz!

Kështu që i them Erlingut: “Të lutem mos shëno më gola tani, përndryshe ‘The Sun’ dhe ‘Daily Mail’ nuk do të shkruajnë asgjë për mua. Zlatan më njeh mirë. Mund të shkruajë një libër të ri. Po, ke të drejtë, egoja ime është e madhe."

B.T (Dosja.al)

Sondazh

Poll