Aktualitet

Droga në 'BanaKing', Artan Hoxha: Kokaina ishte brenda në kuti, është mbushur që në Ekuador, gjithçka e organizuar

Hoxha tha se kjo gjë kuptohet pasi kokaina është gjetur brenda kutive dhe jo jashtë. 

3 Nëntor 2022, 21:00 Nga F.M
Droga në 'BanaKing', Artan Hoxha: Kokaina ishte brenda në
Artan Hoxha

TIRANË- Gazetari Artan Hoxha tha se kokaina ëe gjetur në BanaKing është mbushur që në Ekuador bashkë me bananet. I ftuar në TPZ, Hoxha tha se kjo gjë kuptohet pasi kokaina është gjetur brenda kutive dhe jo jashtë. 

"Ne kemi që nga fillimi i këtij viti, të paktën tek studioja jote, ku e kemi diskutuar këtë temë, kemi folur për të njëjtën linjë dhe ajo që kemi parë që ngajanari, kur është kapuar sasia 1 ton e 980 kg. Ne kapën vetëm 119 kilogramë. Është kapur dhe është gjetur kokainë qoftë edhe në pjesën e jashtme të kontejnerit. Meqë e kam të freskët, unë isha në Guayaquil, atje nuk kishte skaner fare. Ngarkesa më e fundit e ardhur është 84 kontejnerë me banane dhe ajo që bën përshtypje është se është e njëjta linjë. Nëse tek 'Alba Exotic' i gjendeshin në pjesën e jashtme, që do të thotë se mund të jetë futur dhe në port, por kur gjendet brenda, si sot, tregon që është mbushur që atje,"- tha Hoxha. 

33.5 kilogramë kokainë është gjetur e sekuestruar këtë pasdite në Portin e Durrësit. Lënda narkotike ishte futur në kontejnerët e kompanisë ‘BanaKing’, në pronësi të biznesmenit Trifon Murataj, që ishin ngarkuar me banane në Ekuador. Por, bashkë me frutat ekzotike, në Portin e Durrësit mbërriti dhe 33.5 kilogramë drogë. Kontrollet në kontejner janë kryer tri ditë pas mbërritjes së tij në Shqipëri dhe dyshimeve të ngritura se brenda mund të fshihej diçka e dyshimtë. Tetë persona, punonjës të kompanisë e të skanerit janë shoqëruar pasi dyshohet se janë përfshirë. Kjo sepse skaneri e kishte nxjerrë të 'pastër' kontejnerin.

artan hoxha droge ne banaking

Sondazh

Poll

MË SHUMË