Bota

Strehohej në qendrën e azilkërkuesve, arrestohet vrasësi shqiptar në Angli (EMRI)

Shoshari nuk kishte një adresë fikse, ndërsa dëshmoi para autoriteteve se ai ishte dënuar për vrasje dhe krime me armë zjarri në Greqi në vitin 2012 dhe ishte dënuar me 18 vjet e gjysmë burg.

3 Nëntor 2022, 15:21 Nga a.l
Strehohej në qendrën e azilkërkuesve, arrestohet vrasësi
foto ilustruese

BRITANI E MADHE- Mariglen Shoshari, 31 vjeç, i akuzuar për vrasje është kapur nga policia teksa ishte duke kaluar me gomone kanalin mes Francës dhe Anglisë. Shoshari u dërgua në ish-lokalin e Ministrisë së Mbrojtjes në Thanet, i cili është kthyer në një qendër për azilkërkuesit.

Bëhet fjalë për objektin e quajtur Manston, për të cilën mediat e huaja raportojnë se është vënë në qendër të vëmendjes pasi ka dalë se 3,500 njerëz janë duke u arrestuar atje për javë të tëra. Po sipas mediave të huaja, mes mijëra të arrestuarve ishte edhe Shoshari, të cilit iu kërkua të plotësonte një formular pyetësor që u ishte dhënë të sapoardhurve.

Shoshari nuk kishte një adresë fikse, ndërsa dëshmoi para autoriteteve se ai ishte dënuar për vrasje dhe krime me armë zjarri në Greqi në vitin 2012 dhe ishte dënuar me 18 vjet e gjysmë burg. Pas më shumë se tre javësh në paraburgim për emigracionin, Shoshari u paraqit në Gjykatën e Magjistraturës Folkestone të mërkurën dhe u deklarua fajtor për veprën penale.

Julie Farbrace, në ndjekje penale, u tha gjyqtarëve që Shoshari kishte mbërritur në anijen e vogël më 10 tetor me të tjerë dhe u dërgua në Manston për përpunim. Ajo shtoi: “Ai u soll në breg dhe u konfirmua se ishte shtetas shqiptar." Në Manston atij iu kërkua të plotësonte një pyetësor për azil ku ai konfirmoi se ishte arrestuar në Greqi dhe akuzuar për vrasje dhe krime me armë zjarri./ Dosja.al 

mariglen shoshari arrestohet shqiptari ne angli

Sondazh

Poll

MË SHUMË