Bota

Vriten 5 policë gjatë disa sulmeve në Ekuador, vendi shpall gjendjen e jashtëzakonshme dhe hyn në shtetrrethim

Presidenti Guillermo Lasso tha se sulmet nga bandat gjithnjë e më të fuqishme të drogës ishin një shpallje lufte. Ata kishin kërcënuar se do të hakmerreshin pasi qeveria vendosi masa më të ashpra për të frenuar pushtetin e tyre brenda burgjeve.

2 Nëntor 2022, 12:58 Nga d.a.
Vriten 5 policë gjatë disa sulmeve në Ekuador, vendi shpall
Ekuador

EKUADOR- Gjendja e jashtëzakonshme dhe shtetrrethimi janë shpallur në dy provinca të Ekuadorit pas një sërë sulmesh që vranë pesë policë. Më shumë se 400 njerëz kanë vdekur nga dhuna e bandave në burgje që nga viti 2020.

Sipas BBC, Presidenti Guillermo Lasso tha se sulmet nga bandat gjithnjë e më të fuqishme të drogës ishin një shpallje lufte.
Ata kishin kërcënuar se do të hakmerreshin pasi qeveria vendosi masa më të ashpra për të frenuar pushtetin e tyre brenda burgjeve.

Zyrtarët thanë se nëntë sulme të veçanta u nisën në provincat bregdetare të Guayas dhe Esmeraldas të martën, me sa duket si përgjigje ndaj transferimeve të të burgosurve nga burgjet e mbipopulluara dhe të dhunshme.

Gjashtë shpërthime u raportuan në qytetin perëndimor të Guayaquil, tha policia, ndërsa dy oficerë policie u vranë në një sulm ndaj një makine patrullimi në periferi.

Tre të tjerë u qëlluan për vdekje në qytet dhe aty pranë më vonë gjatë ditës, shtuan ata. Tre shpërthime u raportuan në provincën Esmeraldas, ku shtatë oficerë burgu u morën peng nga të burgosurit. Ata u liruan më vonë pas negociatave, thanë zyrtarët.

vriten 5 police ne ekuador guillermo lasso

Sondazh

Poll

MË SHUMË