Bota

Reciprociteti i targave, ambasadori i SHBA në Kosovë kërkon për shtyrje të afatit me 12 muaj

Hovenier ka përsëritur edhe një herë kërkesën drejt Qeverisë së Republikës së Kosovës për shtyrje të plotë të implementimit të vendimit për 12 muaj, në mënyrë që targat RKS mund të vendosen pas kësaj periudhe.

2 Nëntor 2022, 12:26 Nga k,m,d,a

Reciprociteti i targave, ambasadori i SHBA në Kosovë kërkon

KOSOVË- Ambasadori i Shteteve të Bashkuara të Amerikës në Prishtinë, Jeff Hovenier ka folur rreth situatës së krijuar në veri pas hyrjes nv fuqi të vendimit pët targat.

Hovenier ka përsëritur edhe një herë kërkesën drejt Qeverisë së Republikës së Kosovës për shtyrje të plotë të implementimit të vendimit për 12 muaj, në mënyrë që targat RKS mund të vendosen pas kësaj periudhe.

"Ne ritheksojmë kërkesën tonë për një zgjatje të plotë të periudhës së zbatimit në mënyrë që tabelat RKS të mund të vendosen gjatë 12 muajve duke pohuar se Kosova ka të drejtë ta zbatojë këtë ndryshim."-shkroi ai.

Reciprociteti i targave, ambasadori i SHBA në Kosovë kërkon
Postimet

Ai gjithashtu ka thënë se SHBA-ja dënon aktin e djegies dhe shkatërrimit të pronave dhe çfarëdo përpjekje tjetër për të intidimiduar ata të cilët dëshirojnë të regjistrojnë makinat e tyre me RKS.

“Këto janë akte frikacake dhe kriminale”, ka shkruar Hovenier.

Autoritetet në Serbi kërkojnë targa neutrale ndaj statusit të Kosovës. Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian. Procesi i negociatave pritet të përfundojë me marrëveshje ligjërisht të detyrueshme. Ndonëse Kosova deklaron se kjo marrëveshje duhet të përfshijë njohjen e ndërsjellë, Serbia nuk pranon, duke insistuar në “zgjidhje kompromisi”.

jeffrey hovenier reciprociteti i targave kosove-serbi

Sondazh

Poll

MË SHUMË