Bota

Arrestohet në Buenos Aires mbreti i mafies italiane Ndragheta, akuzohet për vrasje dhe trafik droge

Carmine Alfonso Maiorano, një udhëheqës 68-vjeçar i mafies italiane Ndrangheta, u kap të mërkurën e kaluar në qytetin Guernica në provincën e Buenos Aires, thuhet në deklaratë.

1 Nëntor 2022, 09:00 Nga d.a.
Arrestohet në Buenos Aires mbreti i mafies italiane Ndragheta, akuzohet
Carmine Alfonso Maiorano

ARGJENTINË- Policia federale e Argjentinës arrestoi një mafioz të lartë italian në periferi të Buenos Aires, tha agjencia e sigurisë në një deklaratë të hënën, duke i dhënë fund një gjuetie prej vitesh.

Sipas Reuters, Carmine Alfonso Maiorano, një udhëheqës 68-vjeçar i mafies italiane Ndrangheta, u kap të mërkurën e kaluar në qytetin Guernica në provincën e Buenos Aires, thuhet në deklaratë.

Maiorano me origjinë italiane është akuzuar nga autoritetet ndërkombëtare për kryerjen e operacioneve të trafikut të drogës dhe armëve midis Amerikës Latine dhe Evropës.

Organizata Ndërkombëtare e Policisë Kriminale, e njohur zakonisht si Interpol, e konsideron "Ndrangheta" një nga organizatat kriminale më të gjera dhe më të fuqishme në botë.

Një urdhër-arresti ndërkombëtar u lëshua për Maioranon në vitin 2015 dhe Interpoli filloi një përpjekje në vitin 2020 për të koordinuar përpjekjet ndërkombëtare për të shuar grupin kriminal.

Mafia 'Ndrangheta' u vendos në Argjentinë disa vite më parë, thuhet në deklaratën e policisë, duke vepruar së bashku me homologët shqiptarë në Evropë. I arrestuari është vënë në dispozicion të Gjykatës Federale Penale dhe Korrektuese të Argjentinës.

carmine alfonso maiorano mafia ndragheta

Sondazh

Poll

MË SHUMË