Bota

Sulmoi seksualisht alpinisten Mrika Nikqi, gjykata e Pejës lë në burg autorin e dyshuar

Lajmin e ka konfirmuar zëdhënësja e Gjykatës Themelore në Pejë, Tringa Zhuti e cila shpjegoi se autori i dyshuar do të mbetet në paraburgim deri më 29 nëntor ndërkohë që hetimet vijojnë.

31 Tetor 2022, 10:01 Nga d.a.
Sulmoi seksualisht alpinisten Mrika Nikqi, gjykata e Pejës lë në
Pamje nga sulmi


KOSOVË- Gjykata Themelore në Pejë, me kërkesë të prokurorisë, ka lënë për një muaj në paraburgim Flori Beqirajt, i dyshuar për sulm seksual ndaj alpinistes Mrika Nikqi.

Lajmin e ka konfirmuar zëdhënësja e Gjykatës Themelore në Pejë, Tringa Zhuti e cila shpjegoi se autori i dyshuar do të mbetet në paraburgim deri më 29 nëntor ndërkohë që hetimet vijojnë.

“Lidhur me pyetjen e parashtruar nga ana juaj, ju njoftoj se Gjykata duke vepruar sipas kërkesës së Prokurorisë ka vazhduar masën e paraburgimit deri me datë 29.11.2022”, tha Zhuti.

Alpinistja e njohur Mrika Nikqi ka publikuar në Facebook një video, ku shihet teksa sulmohet seksualisht nga Flori Beqiraj ndërkohë që shumë njerëz të pranishëm nuk kanë reaguar.

“Me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer  me paramendim nga personi F.B, anëtarë i  një familje të njohur në  qytetin e Pejës. Si pasojë e kësaj situate, për momentin jam në gjendje të rëndë emocionale dhe nuk mund të deklarohem në tërësi. Pas vendimit të plotfuqishëm të Gjykatës do të ju njoftoj për rrjedhën e situatës dhe sulmuesin e paskrupullt”, kishte njoftuar alpinistja.

Mrika Nikqi, është alpiniste e re, e cila bashkë me të atin në vitin 2019 realizoi me sukses misionin e ngjitjes në shtatë majat më të larta në shtatë kontinentet e botës. Ajo është vajza më e re në botë që ka ngjitur shtatë maja ende pa i mbushur 18 vjet.

mrika nikqi prokuroria e pejes flori beqiraj tringa zhuti

Sondazh

Poll

MË SHUMË