Aktualitet

Atentati tek Kodra e Diellit, Policia: Kemi disa të shoqëruar, një makinë po digjet në Qafë Kashar

Sipas Policisë, 39-vjeçari ka ndërruar jetë rrugës për në spital, ndërkohë që disa persona janë shoqëruar në Policinë e Shtetit.

30 Tetor 2022, 23:45 Nga k.m.

Atentati tek Kodra e Diellit, Policia: Kemi disa të shoqëruar,

TIRANË- Policia e Shtetit ka dhënë informacionet e para zyrtare lidhur me atentatin e ndodhur tek zona e Kodrës së Diellit në Tiranë, ku mbeti i vrarë Briken Sanaj. Sipas Policisë, 39-vjeçari ka ndërruar jetë rrugës për në spital, ndërkohë që disa persona janë shoqëruar në Policinë e Shtetit. Po ashtu, në Qafë Kashar, në afërsi të një biznesi pllakash, është gjetur duke u djegur, një automjet, paraprakisht mendohet se mund t'i përkasë autorëve, por ende nuk ka një konfirmim zyrtar. 

NJOFTIMI I PLOTË:

Tiranë/Informacion parapak

Më datë 30.10.2022, te Kodra e Diellit, në rrethana ende të paqarta, është qëlluar me armë zjarri shtetasi B. S., rreth 39 vjeç, i cili ka ndërruar jetë rrugës për në spital. Shërbimet e Policisë kanë shkuar menjëherë në vendngjarje, kanë ngritur pika kontrolli dhe vijojnë krehjen e zonës për identifikimin dhe kapjen e autorit/ëve.

Janë shoqëruar disa persona në Polici. Në Qafë Kashar, në afërsi të një biznesi pllakash, është gjetur duke u djegur, një automjet. Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.

briken sanaj vritet briken sanaj

Sondazh

Poll

MË SHUMË