Aktualitet

Vrau fqinjin/ DETAJE nga arrestimi i Manellarit, kaloi 2 muaj në pyll, u rikthye në banesë dy ditë më parë

Dy ditë më parë Manellari u rikthye në banesë. Policia mori informacion dhe e arrestoi.

29 Tetor 2022, 09:45 Nga A.B
Vrau fqinjin/ DETAJE nga arrestimi i Manellarit, kaloi 2 muaj në pyll, u
Vendi i krimit

POGRADEC- Fatmir Manellari, i cili akuzohet se ka vrarë fqinjin e tij Safet Hyskollarin në Pogradec, ka qëndruar i fshehur për 2 muaj në pyll. Që nga dita e vrasjes, ai u arratis për t'iu shmangur arrestimit. 

Manellari jetoi dy muaj në pyll ndërsa ushqimet dilte dhe i blinte në zonë. Vetëm 2 ditë më parë, Manellari ishte rikthyer në banesë aty ku u arrestua nga policia. 

Manellari, 63 vjeç, vrau më 7 shtator fqinjin e tij Safet Hyskollari, i cili ishte kthyer në fshat pas 20 viteve emigrim në SHBA. Sipas dëshmitarëve okularë, Safet Hyskollari kishte nisur që të rregullonte rrugën, përmes të cilës futej në banesën e tij, e në gropat e hapura kishte vendosur disa tuba për shkarkimin e ujrave të zeza. Pikërisht në këtë moment, Fatmir Manellari ka pretenduar se ishin futur në tokën e tij dhe ka nisur konflikti verbal mes tyre.

Por nuk është ndalur me aq. 63-vjeçari e ka qëlluar katër herë me thikë komshiun e tij, duke i shkaktuar vdekjen.

fatmir manellari

Sondazh

Poll

MË SHUMË