Bota

Postoi mesazhe për vrasjen e Biden në faqen e gazetës, NYP bie pre e hakërimit nga gazetari i saj

Të enjten në mëngjes, në llogarinë e gazetës në Twitter u postuan mesazhe që u kërkonin njerëzve të vrisnin Biden ose deputeten demokrate të Nju Jorkut , Alexandra Ocasio-Cortez. 

27 Tetor 2022, 20:55 Nga d.a.
Postoi mesazhe për vrasjen e Biden në faqen e gazetës, NYP bie
Biden

SHBA- Gazeta amerikane e tabloidit New York Post pretendon se ishte viktimë e hakerimit kibernetik nga një punonjës i saj, i cili ngarkoi artikuj dhe mesazhe në Twitter që bënte thirrje për vrasjen e presidentit Joe Biden dhe politikanëve të tjerë.

“Hetimi i New York Post tregon se veprimet e paautorizuara janë kryer nga një punonjës dhe ne po marrim masat e duhura”, tha gazeta konservatore në një deklaratë për AFP.

Të enjten në mëngjes, në llogarinë e gazetës në Twitter u postuan mesazhe që u kërkonin njerëzve të vrisnin Biden ose deputeten demokrate të Nju Jorkut , Alexandra Ocasio-Cortez. Postimet ishin në stilin e zakonshëm të mesazheve të publikuara nga gazeta, e cila është në pronësi të News Corp, “perandorisë” mediatike të miliarderit Rupert Murdoch.

Një postim me përmbajtje raciste kundër kryebashkiakut afrikano-amerikan të Nju Jorkut Eric Adams përmbante një lidhje me një artikull me të njëjtin titull, sipas reporterit të BuzzfeedNews, David Mack.

“Punonjësi është pushuar nga puna”, tha New York Post, duke shtuar se përmbajtja “e qortueshme” u hoq menjëherë nga uebsajti i saj dhe llogaritë e mediave sociale.

rupert murdoch joe biden new york post

Sondazh

Poll

MË SHUMË