Politike

“Burokrat i korruptuar”/ Ambasadori britanik u përgjigjet akuzave të Berishës: S'kam ndërmend të bëj komente konkrete

Alastair King-Smith tha se ata që janë të përfshirë në krim dhe korrupsion, ta dinë se nuk do t’u shpëtojnë veprimeve të Britanisë.

26 Tetor 2022, 21:39 Nga k.m.
“Burokrat i korruptuar”/ Ambasadori britanik u përgjigjet
Alastair King-Smith dhe Sali Berisha

BRITANI E MADHE- Ambasadori britanik Alastair King-Smith ka folur për akuzat ndaj tij të kruet të PD-së, Sali Berisha. Ky i fundit e etiketoi si “burokrat të korruptuar”. Sot, në një intervistë në emisionin “Në shënjestër", Alastair King-Smith tha se ata që janë të përfshirë në krim dhe korrupsion, ta dinë se nuk do t’u shpëtojnë veprimeve të Britanisë.

“Përsëri, theksoj se nuk do të komentoj për raste individuale. Natyrisht, ne kemi një partneritet midis institucioneve të drejtësisë këtu dhe institucioneve të drejtësisë në Mbretërinë e Bashkuar. Aty ku ka kërkesë për ta bërë këtë, por nuk do të komentoj për raste individuale. Nuk kam ndërmend të bëj komente konkrete veçse të them se në një kohë kur zgjedhjet lokale po afrohen. Ne e dimë që politikanët ndonjëherë bëjnë akuza dhe përpiqen të bëjnë deklarata në mbështetje të qëllimeve të tyre politike. Ky nuk është roli i ne diplomatëve. Si ambasador britanik, unë jam këtu për të përfaqësuar qeverinë dhe popullin britanik. Do të sigurohem të bëj këtë. Do t’i shpjegoj sa më qartë politikat e qeverisë britanike. Por nuk më takon mua të shkëmbej akuza apo komente,” – tha ai.

Por çfarë tha Berisha për ambasadorin?

"Të pretendosh se paskam bashkëpunim me organizatat kriminale pse në një gjullurdi një njeri vjen dhe thyen derën, duhet të jesh asgjë më shumë, asgjë më pak, sesa një burokrat i korruptuar fund e krye. Kam besim të plotë tek drejtësia e Mbretërisë së Bashkuara. Pra, ka një vit e gjysëm që zonja Yuri Kim thotë “fakte kemi, por nuk mund t’i themi” se nuk i thotë pasi nuk ka. Po të thonë, do të turpërohen se të gjitha janë gatuar në kuzhinën  e George Soros, kësaj monstre të lirive dhe të drejtave të shqiptarëve, këtij armiku të kombit shqiptar dhe ndaj nuk dalin. Kurse Britania  e Madhe është një vend me procedurë shumë më transparente, pasi ka të përcaktuar edhe rrugën që duhet të ndiqet kundër vendimit."

alastair king-smith sali berisha

Sondazh

Poll

MË SHUMË