Aktualitet

Bënin kërdinë me vjedhje, arrestohen 7 shqiptarë në Gjermani, u kapen mallra me vlerë 1 mijë euro

Rreth orës 17:30, qendra e operacioneve policore mori një thirrje urgjente, sipas së cilës 7 burra do të “zbrazinin” një pikë karburanti në Zeiler Straße. 

26 Tetor 2022, 15:19 Nga I.A
Bënin kërdinë me vjedhje, arrestohen 7 shqiptarë në
Foto Ilustruese

GJERMANI- Një bandë prej 7 shqiptarësh mësohet se kanë vjedhur sende nga një pikë karburanti në Gjermani. Të dyshuarit fillimisht u larguan, por u arrestuan përkohësisht si pjesë e një gjuetie të nisur menjëherë. Rreth orës 17:30, qendra e operacioneve policore mori një thirrje urgjente, sipas së cilës 7 burra do të “zbrazinin” një pikë karburanti në Zeiler Straße. Policia e Hassfurt ishte shpejt në vendngjarje dhe ishte në gjendje të arrestonte përkohësisht të dyshuarit pranë vendit të krimit. Nga të arrestuarit oficerët siguruan edhe mallra të dyshuara të vjedhura me vlerë totale mbi 1000 euro.

Të dyshuarit janë burra nga mosha 27 deri në 51 vjeç, të cilët vijnë nga një qendër pritjeje në Frankoninë e Epërme. Personat e arrestuar janë shqiptarë të Kosovës si dhe të Shqipërisë. Me urdhër të prokurorisë publike në Bamberg, të martën janë sjellë para gjykatësit hetues, i cili ka lëshuar urdhër arresti për shkak të dyshimit urgjent për vjedhje të rëndë në grup. Pas lëshimit të urdhër-arrestit, të akuzuarit janë dërguar në burgje të ndryshme.

Hetimet në vazhdim për rastin po kryhen nga Inspektorati Policor i Hassfurt dhe Prokuroria Publike e Bambergut. Ndër të tjera, kontrollohet edhe nëse të arrestuarit mund të jenë ende të përfshirë në krime të tjera në rajon.

arrestohen shqiptaret ne gjermani

Sondazh

Poll

MË SHUMË