Politike

Murrizi: 500 zyrtarë janë me dosje, 30 prej tyre deputetë

Murrizi tha se 500 zyrtarë janë edhe xhelatë, edhe bashkëpunëtorë dhe kjo është arsyeja pse deri tani është hezituar të hapen plotësisht dosjet.

24 Tetor 2022, 20:48 Nga A.B
Murrizi: 500 zyrtarë janë me dosje, 30 prej tyre deputetë
Myslim Murrizi

TIRANË- Ish-deputeti i Partisë Demokratike, Myslim Murrizi ka deklaruar se dosjet duhet të hapen për të 140 deputetët aktualë të Kuvendit të Shqipërisë. Mbrëmjen e sotme, teksa ishte i ftuar në Euronews Albania, Murrizi u shpreh se 30 deputetë të Kuvendit kanë dosje. Ai tha se 500 zyrtarë janë edhe xhelatë, edhe bashkëpunëtorë dhe kjo është arsyeja pse deri tani është hezituar të hapen plotësisht dosjet.

“Rreth 30 veta në Kuvend kanë qenë bashkëpunëtorë dhe xhelatë se shkonin direkt tek viktima. Ata që kanë arrestuar pse ke sharë partinë apo që kanë dënuar edhe me rënien e komunizmit pse ke hedhur bustin, të gjithë të katapultuar në drejtësinë e re. Këta nuk janë më pak fajtorë. Nga të gjitha llojet ka rreth 30 veta në parlamentin shqiptar”, tha Murrizi.

myslim murrizi

Sondazh

Poll

MË SHUMË