Bota

Shkuan ta arrestonin, politikani sulmon me granata e armë zjarri policinë në Brazil, dy të plagosur

Gjykatësi i Gjykatës së Lartë, Alexandre de Moraes, kishte urdhëruar ndalimin e politikanit me arsyetimin se ka shkelur kushtet e arrestit shtëpiak, ndaj efektivët shkuan ta arrestonin.

24 Tetor 2022, 07:39 Nga F.M
Shkuan ta arrestonin, politikani sulmon me granata e armë zjarri
Sulmi në Brazil

BRAZIL- Një politikan brazilian është në paraburgim pasi hodhi granata ndaj policëve që shkuan në shtëpinë e tij në shtetin Rio de Zhaneiro për ta arrestuar. Roberto Jefferson, një aleat i presidentit të ekstremit të djathtë Jair Bolsonaro, plagosi dy oficerë përpara se të dorëzohej në duart e efektivëve. Përveç granatës, Jefferson, ish-udhëheqësi 69-vjeçar i partisë politike PTB, qëlloi gjithashtu me pushkë, duke thyer xhamin e përparmë të një makine policie.

Gjykatësi i Gjykatës së Lartë, Alexandre de Moraes, kishte urdhëruar ndalimin e politikanit me arsyetimin se ka shkelur kushtet e arrestit shtëpiak, ndaj efektivët shkuan ta arrestonin. 69-vjeçari ishte lënë në ‘arrest shtëpie’ pas prangosjes për fyerje të kryetares së drejtësisë Carmen Lucia. Aleati i tij Bolsonaro reagoi për ngjarjen, duke u shprehur se të gjithë ata që qëllojnë ndaj policisë duhet të arrestohen.

Tensionet politike janë të larta në Brazil përpara balotazhit të zgjedhjeve presidenciale të së dielës midis Bolsonaro dhe krahut të majtë Luiz Inácio Lula da Silva. Lula, i cili ende shihet si kandidati kryesor, nuk arriti të arrijë 50% të votave të vlefshme për të parandaluar një balotazh në raundin e parë në fillim të këtij muaji.

brazil roberto jefferson

Sondazh

Poll

MË SHUMË