Bota

Përfundon takimi me Kurtin, Lajçak konfirmon propozimin franko-gjerman: Nuk e ndihmoj procesin nëse jap detaje

Gjithashtu, ai nuk dha edhe shumë detaje të takimit, përveçse tha se ka progres në këto bisedime që po i zhvillon shpesh së fundi. 

22 Tetor 2022, 16:30 Nga e.k
Përfundon takimi me Kurtin, Lajçak konfirmon propozimin
Miroslav Lajçak

KOSOVË- I dërguari special i Bashkimit Europian, Miroslav Lajçak, ka konfirmuar se ka folur për propozimin franko-gjerman me kryeministrin Albin Kurti, në takimin që patën këtë të shtune në Kryeministri. Ai tha se nëse jep informata më të hollësishme për diskutimet mbi këtë temë do ta dëmtonin procesin e bisedimeve.

"Sigurisht që e kemi diskutuar”, tha Lajçak kur u pyet nga gazetarët për këtë propozim.

“Kjo edhe është arsyeja pse jam këtu në baza javore. Por, shpresoj që ta kuptoni se nuk do të ndihmojë procesin nëse jap detaje, janë çështje të ndjeshme. Ne kishim diskutime shumë serioze, të mira dhe konstruktive. Këto janë çështje të ndjeshme dhe unë jam në kontakt të përjavshëm me kryeministrin Kurti dhe presidentin Vuçiç”, përfundoi ai.

Gjithashtu, ai nuk dha edhe shumë detaje të takimit, përveçse tha se ka progres në këto bisedime që po i zhvillon shpesh së fundi. 

“Takimi me kryeministrin Kurti ishte shumë konstruktiv dhe shumë i dobishëm dhe ne jemi duke bërë progres në bisedimet tona. Kjo ndoshta ajo çka mund të them”.

Më pas, Miroslav Lajçak ka shkruar në Twitter për të treguar se çfarë ka diskutuar të shtunën me kryeministrin Albin Kurti.

“Në vizitën time të rregullt në Kosovë, jam takuar me kryeministrin Albin Kurti për të vazhduar diskutimet tona shumë të dobishme për progresin vendimtar në normalizimin e marrëdhënieve me Serbinë, afrimin e afatit të 31 tetorit për riregjistrimin e targave dhe zhvillimet e fundit në fushën e energjisë”, ka shkruar Lajçak në Twitter.

Përfundon takimi me Kurtin, Lajçak konfirmon propozimin

Në thelb të propozimit francez flitet për modelin e dy gjermanive i cili do të nënkuptonte se Serbia e pranon pavarësinë e Kosovës, por nuk e njeh zyrtarisht atë, kjo nënkupton edhe anëtarësimin e Kosovës në Kombet e Bashkuara. Në këmbim të këtij veprimi Serbisë do ti lehtësohej procesi i integrimit drejt BE si dhe do ti jepen ndihma të mëdha financiare.

miroslav lajçak kosove

Sondazh

Poll

Bota 22 Tetor 2022, 13:56 I.A

Ukraina sulmon pozicionet ruse në Herson

Foto nga Ukraina UKRAINË- Forcat ukrainase kanë granatuar pozicionet ruse në rajonin e pushtuar dhe të aneksuar paligjshëm të...

MË SHUMË