Aktualitet

Mashtronin të huaj nëpërmjet 'Call Center-it' në Tiranë, Gjykata lë në burg 3 të arrestuarit (EMRAT)

Administratori Doris Telhallarin dhe operatorët Eldjon Lleshi e Ergi Ali janë lënë në burg ndërsa është ende në kërkim pronari Ardit Topalli.

21 Tetor 2022, 07:31 Nga A.B
Mashtronin të huaj nëpërmjet 'Call Center-it' në
Call Center

TIRANË- Gjykata e Tiranës ka lënë në burg tre të dyshuarit për mashtrim me FOREX. Administratori Doris Telhallarin dhe operatorët Eldjon Lleshi e Ergi Ali janë lënë në burg ndërsa është ende në kërkim pronari Ardit Topalli.

Call Center ishte në zonën e ish-Parkut, në rrugën rrugën ‘Frosina Plaku’. Ato përdonin niptin e një kompanie ‘Dag it Solution’ me status pasiv në QKB. Operatorët së bashku me administratorin, telefononin shtetas të huaj, u prezantoheshin si agjentë shitjesh dhe përmes mashtrimit, i bindnin ata që të investonin në bursën fiktive Forex.

Punonjësit mashtronin shtetas të huaj gjermanë, francezë e spanjollë. Pagesa merrej në bitcoin në Shqipëri, teksa si provë i janë gjetur listat e bankave offshore ku bëheshin transfertat. Pronari i kompanisë është arratisur”, mirëpo ai është i implikuar në këtë skemë mashtrimi për shkak se janë gjetur mesazhe teksa ai instrukton punonjësit për procedurën.

eldjon lleshi ergi ali ardit topalli

Sondazh

Poll

MË SHUMË