Politike

“Justifikoheni me kërcënimet”/ Kuçanna debaton me pedagogun në sy të Berishës, Axhami: S’di gjë çfarë ndodh në fakultete, je e jashtme!

Axhami i kujtoi Kuçanës se në fakt në vitin 2018 kanë protestuar studentët dhe jo pedagogët. Ai tha ndër të tjera se Kuçana nuk mund të marrë përsipër të shpjegojë se çfarë ndodh në fakultetin e ekonomisë kur nuk është aty.

19 Tetor 2022, 20:27 Nga F.M
“Justifikoheni me kërcënimet”/ Kuçanna debaton me
Ilirjana Kuçana dhe Mirdaim Axhami

TIRANË- Një mbledhje me përfaqësues të arsimit ka sjellë debat mes dy personave të pranishëm, në mbledhjen përballë kryedemokratit Sali Berisha. Kuçana tha se pedagogët nuk mund të pretendojnë që kërcënohen nga rektorët dhe ndaj nuk dalim në protestë. Pjesën e kërcënimeve që nuk lejon pedagogët të dalin në shesh, Kuçana e sheh si justifikim. Por, pedagogu Mirdaim Axhami nuk mendon kështu. Ai tha se Kuçana është pedagoge e jashtme e se për këtë vit nuk ka qenë e pranishme në universitete, ndaj nuk e ka idenë se si është situata brenda mureve të institucionit. Axhami i kujtoi Kuçanës se në fakt në vitin 2018 kanë protestuar studentët dhe jo pedagogët. Ai tha ndër të tjera se Kuçana nuk mund të marrë përsipër të shpjegojë se çfarë ndodh në fakultetin e ekonomisë kur nuk është aty.

Pjesë nga replikat:

Ilirjana Kuçana: Unë jam një pedagoge që ka qenë shumë afër me studentët, duhet të ngremë kauzën, të ngremë frymën për të marrë studentët me vete dhe për ndodhur ajo që ndodhi në vitin 2018. Duhet të kishim një plan konkret. Kush janë pedagogët që ndjekin studentët? Unë nuk e pranoj që ka dekanë e rektorë që të kërcënojnë. Këtu kemi shefin e departamentit që ka qenë në protestë, zëvendësdekanin Ilir Alimehmeti. Mendoj që kjo pjesa e kërcënimit është një justifikim. Duhet të gjejmë mekanizmat, njerëzit e duhur që të ngrenë frymën e të vazhdojnë protestën. Protesta nuk mund të vijojë vetëm me universitetin e Politeknikut.

Mirdaim Axhami: I sugjeroj të mos marrë përsipër që të shpejgpojë se çfarë ndodh në fakultetin ekonomik ku jam përgjegjës departamenti dhe anëtar senati

Ilirjana Kuçana flet pa mikrofon

Mirdaim Axhami: Po flasim për protestën e pedagogëve dhe jo të studentëve. Atë ma lër mua sepse ju jeni aty 5 minuta. Se kush gënjen dhe se kush është i sinqertë, e tregon….nuk dua të kaloj në situata në fakultetin ekonomik, por këtë replikë s’e pranoj. Unë nuk jam as për denigrim dhe as për emra të përveçëm, megjithëse ka plot nga ata që e meritojnë. Unë nuk po pretendoj se ata të pranojnë. Ne e dimë që drejtuesit tanë se sa të fortë apo të zotë janë që ata ti nxisin vetë stafet akademike që të dalin në protestë, s’po e pretendojmë një gjë të tillë. Situata nuk është e qartë me protestat dhe me sindikatat, rezultati gjithmonë ka qenë në pikëpyetje.

 

mirdaim axhami ilirjana kucana sali berisha

Sondazh

Poll

MË SHUMË