Aktualitet

Po transportonte 7 emigrantë të paligjshëm, pranga 21-vjeçarit në Himarë (EMRI)

Në pranga ka përfunduar Klinton Shehaj.

19 Tetor 2022, 08:52 Nga A.B
Po transportonte 7 emigrantë të paligjshëm, pranga
Policia

SARANDË- Një 21-vjeçar është arrestuar në Himarë pasi u kap duke transportuar emigrantë kundrejt pagesës. Në pranga ka përfunduar Klinton Shehaj, ndërkohë grupi hetimor po punon për dokumentimin e plotë të rastit të trafikimit të emigrantëve.

NJOFTIMI I POLICISË:

Finalizohet me sukses operacioni policor i koduar “Piqeras”. Tentoi të transportonte 7 emigrantë të paligjshëm, vihet në pranga 21-vjeçari. Shërbimet e Komisariatit të Policisë Himarë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor “Piqeras”, si rezultat i të cilit u arrestua në flagrancë shtetasi K. Sh., 21 vjeç. Arrestimi i këtij shtetasi u bë pasi u kap në flagrancë nga shërbimet e Policisë, në afërsi të fshatit Piqeras, duke tentuar të transportonte, kundrejt fitimit, 7 emigrantë të paligjshëm, 2 prej të cilëve i kishte futur në automjet. Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve”.

klinton shehaj

Sondazh

Poll

MË SHUMË