Bota

Sulmet ruse në Kiev, 3 të vrarë mes tyre dhe një grua shtatzënë, Klitschko: Gjenocid

Gruaja ishte gjashtë muajshe shtatzënë, por goditjet e raketave ruse i morën jetën asaj si dhe dy personave të tjerë në atë godinë banimi.

17 Tetor 2022, 13:49 Nga I.A
Sulmet ruse në Kiev, 3 të vrarë mes tyre dhe një grua
Ukraine

UKRAINË- Sulmet ruse me dronë kamikazë kanë vrarë tre persona ditën e sotme në Ukrainë. BBC shkruan se mes pesonave të vrarë ishin dhe një çift që po prisnin fëmijën e tyre të parë. Gruaja ishte gjashtë muajshe shtatzënë, por goditjet e raketave ruse i morën jetën asaj si dhe dy personave të tjerë në atë godinë banimi.

Dmitro Zhyvytsky, guvernatori i rajonit Sumy në veri-lindje të Ukrainës, tha se nga sulmet ruse janë plagosur rreth 9 persona, ndërkohë që ka ende nën rrënoja.

"Në orën 5:20 (02:20 GMT) të mëngjesit, tre raketa ruse goditën një objekt të infrastrukturës civile. Të paktën tre persona vdiqën. Nëntë janë plagosur. Ka ende njerëz nën rrënoja," tha Zhyvytsky.

Kryebashkiaku i Kievit, Vitali Klitschko thotë se sulmet e sotme me dron në Kiev janë pjesë e gjenocidit të popullit ukrainas.

"Rusët kanë nevojë për një Ukrainë pa ukrainas. Ata duan të largohen pa ngrohje, pa energji elektrike, pa jetë. Ata kanë nevojë për territor, jo banorë të Ukrainës," u tha ai gazetarëve.

Ai thotë se të gjitha burimet në dispozicion janë vendosur për të pastruar rrënojat nga zonat e shkatërruara. Autoritetet e qytetit presin së shpejti ardhjen e sistemeve të mbrojtjes ajrore për të mbrojtur kryeqytetin nga sulmet me dronë.

lufta ukraine-rusi dmitro zhyvytsky

Sondazh

Poll

MË SHUMË