Aktualitet

Po blinin në furrën e bukës, shqiptari nxjerr thikën, plagos shefin dhe kolegun në Gjermani

Shqiptari, i cili sipas mediave gjermane është piktor ka sulmuar me thikë kuzhine shefin e tij dhe një punonjës mëngjesin e së shtunës.

17 Tetor 2022, 09:21 Nga A.B
Po blinin në furrën e bukës, shqiptari nxjerr thikën, plagos
Vendi i ngjarjes

GJERMANI- Një shqiptar ka sulmuar me thikë dy persona. 33-vjeçari, i cili tashmë është ndaluar dhe është dërguar në një spital psikiatrik. Shqiptari, i cili sipas mediave gjermane është piktor ka sulmuar me thikë kuzhine shefin e tij dhe një punonjës mëngjesin e së shtunës.

Si ndodhi ngjarja

Ata shkuan në furrë së bashku për të blerë mëngjesin. Pak sekonda më vonë, asgjë nuk ishte e njëjtë për punonjësit e një kompanie lyerjeje. Një nga kolegët nxori papritur një thikë kuzhine në shkallët përballë rreshtit të dyqaneve në Nymphenburg dhe e goditi. Dy burra u plagosën rëndë nga goditjet me thikë dhe prerje. Një koleg është ende në rrezik për jetën. “Gjendja e tij është ende jashtëzakonisht kritike,” thotë Stephan Beer, kreu i skuadrës së vrasjeve.

Shqiptari po hetohet për vrasje të mbetur në tentativë dy herë, jo vrasje nga pakujdesia. Mësohet se shqiptari e mbante thikën me një teh 20 centimetra të gjatë në Rosa-Bavarese-Strasse.

“Akti ka ndodhur papritur”, sqaron hetuesi. Nuk pati asnjë debat atë mëngjes. Sipas policisë, shefi 50-vjeçar i firmës së bojës dhe një koleg 28-vjeçar, të dy kanë rrënjë kosovaro-serbe. Ata gjatë sulmit janë goditur disa herë nga autori: në qafë, gjoks dhe shpinë.

Burimi: Merkur.de

shqiptari plagos shefin ne gjermani gjermani

Sondazh

Poll

MË SHUMË