Aktualitet

Vendimi i Bordit: Ulet çmimi i naftës me 5 lekë, benzina me 203 lekë, gazi s'ndryshon

Duke filluar nga dita e sotme çmimi i naftës do të shitet 5 lekë më pak, pra 240 lekë/ litri, ndërsa benzina do të shitet me 203 lekë/ litri, duke u ulur me 1 lekë.

12 Tetor 2022, 17:14 Nga k.m.
Vendimi i Bordit: Ulet çmimi i naftës me 5 lekë, benzina me 203
Foto ilustruese

TIRANË- Bordi i Transparencës ka publikuar çmimet e reja të naftës, gazit dhe të benzinës. Duke filluar nga dita e sotme çmimi i naftës do të shitet 5 lekë më pak, pra 240 lekë/ litri, ndërsa benzina do të shitet me 203 lekë/ litri, duke u ulur me 1 lekë. Ndërsa, nga ana tjetër, gazi për automjetet do të shitet me pakicë 78 lekë/ litri.

NJOFTIMI I PLOTË:

Vendimet e Bordit të Transparencës në datë 12 Tetor 2022 kanë ndryshime të çmimit nga ai përcaktuar në mbledhjen e fundit. Si rrjedhojë çmimet e vendosura janë: Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 203 lekë/litri, ndërsa i shitjes me shumicë jo më shumë se 191 lekë/litër. Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

CMIMI I SHITJES SE GAZOILIT/NAFTËS PËR PESHKIM

Çmimi i shitjes së gazoilit për peshkim, referuar Ligjit 9975, “Për taksat Kombetare”, në nenin Neni 9 dhe 10 , përjashton nga pagimi i taksave kombëtare dhe akciza këtë sector. Referuar metodologjisë së përcaktuar në aktin normativ, cmimi i shitjes së gazolit për peshkim rezulton: Shumica = 146 lekë/litri Pakica 158 lekë/litri Çmimet e caktuara nga Bordi do të hynë në fuqi sot datë 12 Tetor shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.

bordi i transparencës tirane

Sondazh

Poll

MË SHUMË