Bota

Ministrja gjermane: Politika e vizave të Serbisë është e papranueshme

Por Faeser paralajmëroi se ka një numër në rritje të migrantëve që vijnë përmes rrugës ballkanike dhe se praktika e vizave e Serbisë kontribuon në këtë.

11 Tetor 2022, 22:44 Nga I.A
Ministrja gjermane: Politika e vizave të Serbisë është e
Nancy Faeser

GJERMANI- Ministrja gjermane e Punëve të Brendshme Nancy Faeser tha se qeveria e saj është e përgatitur të ndihmojë refugjatët nga Ukraina. Por Faeser paralajmëroi se ka një numër në rritje të migrantëve që vijnë përmes rrugës ballkanike dhe se praktika e vizave e Serbisë kontribuon në këtë.

Faeser tha se Serbia ka hequr vizat për disa vende në mënyrë që qytetarët e tyre të kalojnë përmes Serbisë dhe të kalojnë në Bashkimin Evropian.

“Për të qenë i qartë, politika e vizave e Serbisë është e papranueshme. Kjo i kontribuon edhe lëvizjeve në rrugën ballkanike. Serbia duhet t'i përshtatë rregullat e saj të vizave me ato të BE-së. Kjo është një pritje e qartë e qeverisë gjermane”, tha Faeser.

Serbia, një kandidate për të hyrë në BE, shtrihet në të ashtëquajturën rrugë ballkanike të përdorur nga emigrantët që shkojnë drejt Evropës Perëndimore, ndërsa ikin nga lufta dhe varfëria në Lindjen e Mesme, Azi dhe Afrikë.

nancy faeser

Sondazh

Poll

MË SHUMË