Bota

Rusia merr përgjegjësinë për sulmet në objektet energjetike dhe ushtarake në Ukrainë

Ministria e Mbrojtjes tha se qëllimi i sulmit është arritur dhe "të gjitha objektet e përcaktuara janë goditur", megjithatë, krerët rajonalë anembanë Ukrainës thonë se sulmet janë duke vazhduar, me sulme të raportuara në Lviv dhe Zaporizhzhia këtë mëngjes.

11 Tetor 2022, 13:00 Nga d.a.
Rusia merr përgjegjësinë për sulmet në objektet
sulm ne Ukraine

RUSI- Ministria ruse e mbrojtjes tha se ka vazhduar të nisë atë që e quajti një sulm masiv ndaj infrastrukturës energjetike dhe ushtarake të Ukrainës duke përdorur armë "me precizion të lartë me rreze të gjatë veprimi me bazë ajrore dhe detare".

Sipas BBC, Ministria e Mbrojtjes tha se qëllimi i sulmit është arritur dhe "të gjitha objektet e përcaktuara janë goditur", megjithatë, krerët rajonalë anembanë Ukrainës thonë se sulmet janë duke vazhduar, me sulme të raportuara në Lviv dhe Zaporizhzhia këtë mëngjes.

Ministri i Jashtëm ukrainas Dmytro Kuleba tha se Rusia shënjestrimi i qëllimshëm i objekteve energjetike përbën një krim lufte që synon krijimin e "kushteve të padurueshme për civilët", duke shtuar se sulmet ishin planifikuar shumë më përpara, në një postim në Twitter.

"Objektivat kryesore të sulmeve ruse janë objektet energjetike. Ata kanë goditur shumë dje dhe kanë goditur të njëjtat dhe të reja sot. Këto janë krime lufte të planifikuara paraprakisht dhe që synojnë krijimin e kushteve të padurueshme për civilët – strategjia e qëllimshme e Rusisë prej muajsh."- shkroi Kuleba.

Rusia ka mohuar se forcat e saj kanë kryer krime lufte në Ukrainë. Ditën e djeshme Rusia ka lëshuar mbi 85 raketa në drejtim të Kievit dhe disa qyteteve përreth duke synuar infrastukturën energjitike por duke shkaktuar mbi 10 viktima dhe 50 të plagosur. Presidenti rus Vladimir Putin pranoi se sulmet ishin në shenjë hakmarrje pasi hedhjes në erë të urës së Krimesë rreth 3 ditë më parë.

sulmet ruse ne ukraine lufta ukraine-rusi dmytro kuleba

Sondazh

Poll