Aktualitet

Shkrumbohet mjeti i punonjësit të karburantit në Bilisht, Deizi Arapi e akuzoi për djegien e makinës së saj (Sherri)

Ende nuk dihet se kush fshihet pas kësaj ngjarjeje, por hetuesit janë të bindur që zjarri ka qenë i qëllimshëm.

10 Tetor 2022, 08:13 Nga F.M
Shkrumbohet mjeti i punonjësit të karburantit në Bilisht, Deizi
Deizi Arapi

BILISHT- Një automjet i llojit "Volkswagen" në pronësi të Marsel Buçit, punonjësit të karburantit që u akuzua më herët nga Deizi Arapi si autor i zjarrvënies së mjetit të saj, ngjarje e ndodhur më 25 shtator të këtij viti, është shkrumbuar. Mjeti i Buçit ishte parkuar para shtëpisë së tij kur i është vënë flaka rreth orës 02:30.

Ende nuk dihet se kush fshihet pas kësaj ngjarjeje, por hetuesit janë të bindur që zjarri ka qenë i qëllimshëm. Buçi u akuzua drejtpërdrejt nga Arapi për djegien e mjetit të saj të llojit ‘Mercedes Benz’. Arapit iu dogj makina para derës së shtëpisë, por këtë herë, në një deklaratë për mediat ajo akuzoi se gjithçka vinte pas sherrit me deputetin e Partisë Demokratike Bledion Nallbati. Si autor, ajo shënjestroi punonjësin e karburantit të Nallbatit, por pa i përmendur emrin. Dhe ai rezulton të jetë pikërisht Marsel Buçi.

Nuk dihet nëse djegia e makinës së Buçit është një ‘hakmarrje’ nga ana e Arapit. Policia nuk ka dalë ende me një njoftim zyrtar për ngjarjen në fjalë dhe vetë i riu nuk ka dhënë asnjë prononcim. 

 

marsel buci digjet mjeti ne bilisht deizi arapi

Sondazh

Poll

MË SHUMË